Adnodau Beiblaidd Poblogaidd o मर्कूस 6

Rhanna

ओकरसिके लगत बहुते आदमीसब ऐते जैते रहै, सेल्याके येशू आर ओकर चेलासिके खाना खैके समय भी नै मिलै। तब येशू ओकरासिके कहैल्कै, “या एकान्त जगहमे चल जते अपनासब असकल्ला रहे सकियै आर कुछु बेर आराम करे सकियै।”

तब येशू ओकरासिके कहैल्कै, “एकटा परमेश्वरके वक्ता जते भी जैछै ओकर सम्मान कैल जैछै। मगर ओकर गाँवमे, ओकर घरमे आर ओकर आपन कुटुमके बीचमे ही ओकर सम्मान नैहैछै।”

जब येशू नावसे किनारमे उतर्लै, तब ऊ एकटा बडका भीडके देखल्कै, आर येशूके ओकरासिपर दया जाग्लै। कहिनेकी ओकरसिके कोनो अगुवा नैरहै जे ओकरसिके देखभाल करे सकै। तब ऊ ओकरासिके परमेश्वरके राज्यके विषयमे बहुते बातसब सिखाबे लाग्लै।

आर ओकरसिके अविश्वासके कारण, ऊ ओकरासिपर हात राखिके कुछु बेमारी आदमीसिके ठीक करैके सिवाय आरहौ बेसी शक्तिशाली चमत्कार नैकरे सकल्कै। ऊ ओकरसिके अविश्वास देखिके चकित भेलै। एकरबाद, येशू अगल-बगलके गाँवमे गेलै आर आदमीसिके परमेश्वरके सन्देश सिखैल्कै।

तब येशू पाँचटा रोटी आर दीटा माछके ल्याके स्वर्गमहर देखिके परमेश्वरके धन्यवाद देल्कै, आर उटा रोटीके तोडल्कै आर आदमीसिके पर्सीके दियैले चेलासिके कहैल्कै, आर उटा दीटा माछ भी सभे आदमीसिके बाँटी देल्कै। तब सभेको खैल्कै आर अघैलै। जब सभेको खाना खैल्कै तब चेलासब रोटी आर माछके उगर्ल रोटीके टुकरासब जमा कैल्कै। ओकरासे बारहटा ढाकी भरि गेलै।