Adnodau Beiblaidd Poblogaidd o मत्ती 28

Rhanna

सेल्याके तुहेंसब जो, आर जात-जातके आदमीसिके हमर चेला बना। ओकरासिके एकटा चिन्हके रुपमे बप्तिस्मा दहैं कि ऊसब परमेश्वर आर हमे, परमेश्वरके बेटा आर पवित्र आत्माके अनुसरण करैछै। हमे जतनें आदेश तोरासिके देलियौ छे उटा सभेटा पालन करैले ओकरासिके सिखा। आर देख, संसारके अन्तके समयतक हमे हमेशा तोरसिके साथमे छियौ।”

तब येशू ओकरसिके लगत आबिके कहैल्कै, “स्वर्ग आर धर्तीके सभे अधिकार हमरा देल छै।

तब स्वर्गदूत ऊ जनानीसिके कहैल्कै, “तुहेंसब नैडर, कहिनेकी हमे जानैछियै कि तुहेंसब येशूके खोजैले ऐलहैं छे, जकरा क्रूसमे काँटी ठोकिके जान मार्ल गेलै रहे। ऊ एत्ते नैछै, कहिनेकी ओकर कहेल बमोजिम ऊ मुर्दासे जिन्दा भ्याके उठ्लै छे। या आपनहैं आबिके ओकरा राख्ल जगह देख।

तब येशू ओकरासिके कहैल्कै, “नैडर, जैके हमर चेलासिके गालील जिलामे जैले कहिदहैं, आर ओत्ते ऊसब हमरा देख्तै।”

जब प्रमुख पुजारीसब यहूदी आदमीसिके अगुवासिके संगे जमा भेलै, ऊसब सल्लाह कैल्कै आर सिपाहीसिके एरं कहिके बहुते पैसा देल्कै, “तुहेंसब आदमीसिके कहिहैं कि हमेसब सुत्ल समयमे येशूके चेलासब आबिके येशूके लास चोर्याके ल्यागेलै। कहुँ राज्यपालके कानमे तुहेंसब रखवाली करैके समयमे सुत्ल बात पुगियो जैतै ते हमेसब ओकरा सम्हारी लेबै आर तोरासिके जोग्या देबौ।” तब ऊसब उटा पैसा लेल्कै, आर ओकरासिके सिखैल जुगुर कैल्कै आर यहूदी आदमीसिमे ऐजतक इहे बात फैल्ल छै।