Adnodau Beiblaidd Poblogaidd o ลก 24

Rhanna

กาดีก ซัดฌา ปี ดัว ฆูณ โอว ดี ดูอี, โอว ดี ดัว ดี เบ. เบ ยี โลว กอย แคง มืง นี, หน็อะ อาคราว ดี ดัว เฌาพรา ปวน อัน ดี เบ.”

ดูอี ปี เหรต เบ ตี, อัน ตู กอย ดี นี. อัน แฮะ วี ยีต วี อีม. เบ โลว โหลห โฆรห ปี ต็อห อัน ดี เบ ดอ ซี กอย รึม อัน โดบ เบ แคง อืง ฆาลีเล.

ดอ อัน ตี อึณ ปี งาย ฆาย แฮะ บลาง. ฆาย กอ นับ อัน มูห เฌา เยซู. ดอ อัน ตี เฌา เยซู ยี หราย โดง กอย ฆาย, อาว ฮู ปึอน ยึร อัน. ฆาย ยี ลาย กามวน. ฆาย ต็อห, “เหมา, ดอ กาลาง อัน โฆรห, ดอ ฮาว อาย โดบ อึณเตณ, ดอ มาโนว อัน ลอง บับ เฌาพรา แตห อาย นับ, อึณ แฮะ แบน น็อห โคย บอ บลืง ดี น็อห.”

อัน ต็อห ดี เฆ, “แฮะ มูห, ปี แดม ดูอี แคง บับ เฌาพรา. อัน เฌา ปี ร็อห ปี ตึย เฌาพรา แตห อัน คยอด ดูอี, อัน โลว คัม ดูก. แฮะ ฮอต, อัน ดี ยัม. วาย อัน ตี โอย ซีแง, อัน ดี วี ยีต วี อีม. เบ ยี โลว ดึห ปวน อัน เฌา ปี ร็อห ปี ตึย เฌาพรา แตห อัน คยอด ดูอี. แฮะ ฮอต, ซาดาง ลอง ดูอี แฮะ ปึอน แวน น็อห บรีม เฆ, บอ ซาดาง ลอง เฌาพรา ฆ็อห แวน หมาบ ดูอี, เบ โลว กาลาง ดี ดูอี ดอน โมยว. เบ ยี โลว จูห ดี กาลาง แคง มืง เยรูซาแลม ดี อาต, แฮะ ฮอต, เบ โลว ฮาว ดอน โปละ.

ดอ แฮะ ตัห ฌัม เฆ โดง ตึอน, เฆ บอ ยึร, มาว ตาง ปี เบลห เฆ นา อาต มาโลห กาเดา บาเรว, แตห อึณ กาบีด รีด, อาว ฮู มึห. ดอ ยึร เฆ กาเดา บาเรว แฮะ อึณวึห ปาย ตี, เฆ บอ ลึบ นา แคง. เฆ ยอด, ยี ตู ยึร โดว โบ็ง เฌา เยซู.