Adnodau Beiblaidd Poblogaidd o ยฮ 3

Rhanna

เฌาพรา ร็อก กาเซา เฆ ดูอี แดง กาดาย. โคว, อัน ดัว ฆอน อัน อี มูห แคะ อู วี ตี, แตห อัน คยอด ดูอี. อาเซ หณึม ฆอน เฌาพรา ตี, อาซาก อัน ตู ชึม. อัน ดี บอ ปึอน ดี กอย รึม โดบ เฌาพรา เซเซ.

เฌาพรา แฮะ แตห ฆอน อัน โลง แดง กาดาย แบน ดูอี, แตห อัน คยอด ดูอี, แกวะ แตห อัน ดัม หมาบ ดี เฆ.

เฌา เยซู วี ต็อห ดี อัน, “โอว ต็อห อาคาคัร ดี แม, เซ ดูอี ตู แบน ดูอี กามาย, อาว ปึอน ลึบ แคง มืง ปี อึบ เฌาพรา. อึณ ปี, ดูอี โลว วี ฆึอด ปอ อู เฌณ, แตห อัน แบน ดูอี กามาย.”

อาเซ หณึม ฆอน เฌาพรา ตี, อัน ตู โลว คัม หมาบ อัน. อาเซ ยี ตู หณึม, อึณ ปี เฌาพรา แฮะ ฮอต ดัม หมาบ ดี อัน, แตห อัน คัม โตต โกบ ตู หณึม อัน ฆอน เฌาพรา, อี มูห แคะ อู วี ตี.

ลอง ดัม เฌาพรา หมาบ อี, อึณ ปาย นี. เฌาพรา แฮะ แตห บลาง อัน ตัห โลง แดง กาดาย. เฆ ดูอี อี กอย แดง กาดาย ยี ตู อึง บลาง ตี. เฆ อึง ดี กอย แคง อับ ว็อง โกบ แฮะ ฮาย แปะ แฮะ โบง เฆ. โคว, อัน โลว ดัม หมาบ เฆ.

โคว, อัน โลว แบน ดา ซารา ตาง แตห เฆ ดูอี อี โดบ อัน แกร ดี กืน กาเซา. เฆ ดูอี อี โดบ โอว ยี โลว แกร ดี เปรต.

อาเซ โบง นา ตู หมึอม, อัน ตู อึง บลาง. อัน ตู ยัะ ตัห ฌัม แคง บลาง. อัน โยว บลาง ตี, แตห อึณ ลึห แคะ ตู หมึอม แปะ แฮะ โบง อัน.

อาเซ หณึม ฆอน เฌาพรา ตี, อัน ปึอน ดี กอย รึม โดบ เฌาพรา เซเซ. อาเซ ยี ตู แตห ฆอน เฌาพรา ตี อึบ น็อห อัน, อัน ตู ปึอน ดี กอย รึม โดบ เฌาพรา. เฌาพรา ดี รู ดี ดูอี ฌึร ตี เซเซ.”

ดูอี อี แฮะ แบน ฆอน ดูอี, อัน ปี ฮัณ ตึอน. ดอ กอย เฆ ดูอี อีซาเรลัะ แคง แปร กาฮ็อห, อาโมวแซ แฮะ ตา บ็อง, โบง อารึบ ฮัณ, เบลห นา แดง ร็อง, แตห อึณ คยอด ดูอี อี งึอบ อัน. ปาย ตี บอ ดูอี อี แฮะ แบน ฆอน ดูอี, อัน โลว ดึก ดี ร็อง

เฌาพรา ร็อก ฆอน อัน. โคว, อัน แตห ฆอน ตี อึบ โตต ดอน โมยว.