Adnodau Beiblaidd Poblogaidd o PALABURU 24

Rhanna

Mekakai anamayunu setu natoʼo, “PUE, Pue Ala mpueku i Burahima, nditulungi da naka mowua tetalaku ri sandeme seʼi; ndipokapurumo pueku i Burahima.

Yaku da mompau ri sambaʼa anaweʼa ungka ri oyo ntau seʼe, da kutoʼo, ‘turubaka gumba mponombumu setu waikaku ue da kuinu. Ane mesono siʼa natoʼo ndipanginumo, pai waʼa untami woʼu da kupapanginu!’ siʼamo anu ndipilisi i mPUE tila anamayunumi i Saki. Ane ewanceʼe pewalinya, manotomo ri rayaku ewambeʼi kapuru ndaya i mPUE ri pueku i Burahima.”

Roo setu nakenimo i Saki i Ribeka mesua ri raya ngkema inenya i Sara naporongomo i Ribeka. Napotowe kojo i Saki i Ribeka; painaka lindomo raya i Saki ua mampomapari ndaya kamate inenya.

Ungka lairia napapoiwomo ntau seʼe i Ribeka sangkani pai topeporewunya malai sangkani-ngkani pai anamayunu i Burahima pai waʼa ntaunya. Nepa nadonco ntau seʼe i Ribeka pai pau anu ewaseʼi, “Mbolimo siko Ribeka da mewali ine ntau anu mojuta-juta! Mbolimo waʼa mulimu da mampapeʼuru waʼa ngkota!”

Pontandokoromo mamposabi toʼo i mPUE, Pue Ala tumpu yangi pai lino, kasikonya bareʼe da mampepali rongo anaku i Saki ungka ri oyo waʼa ntau anu ri tana Kanaʼa seʼi. Siko sangaya-ngaya da mewalili ri tana mpebete ntanoanaku da mampepalika siʼa rongonya ungka ri oyo waʼa ngkasangkompoku.”