Adnodau Beiblaidd Poblogaidd o Maroko 12

Rhanna

Paca'of sa ci Yis, << <Pitngil kita o Israil! Deng ccay aca ko Tapang ita a Kawas. Saka, sarocoden ko faloco' iso, sarocoden ko 'orip iso, sarocoden ko harateng iso, sarocoden ko 'icel iso a maolah to Tapang a Kawas iso,> saan. Onini ko kakalimlaan a limo'ot. O sakatosa a kakalimlaan a limo'ot i, <Samatiyaen o nika olah iso to tireng ko nika olah iso to tao,> saan. Awato ko mikikakaay tonini a tosa a limo'ot,>> han Ningra.

Tahidang han ni Yis ko nisawawaan Ningra a somowal, <<So'linen Ako a somowal kamo, ikaka no niparoan no nimanima a tamdaw ko niparoan nonini a pakoyocay a maponengay a payso. Nawhani o nano rafas no dafong nangra ko niparoan no roma a tamdaw. Nikawrira, masapakoyocayto cingra i, ^min han ningra a pacakat ko polong no saka'orip no tireng,>> han Ningra.

Maro' ci Yis i ngata no pipakingkingan a hako no Fangcalay Pita'ongan, nengneng sa to samaanay ko nipiparo no 'alomanay a tamdaw to payso i hako. Adihay ko niparoan no 'alomanay a cidafongay a tamdaw to payso. Ikor i, ira a tayra ko ccay a pakoyocay a maponengay a miparo to tosa a laliping, onini i, o todongay no ccay a payso.

O romasato, sarocoden ko faloco', sarocoden ko harateng, sarocoden ko 'icel a maolah to Kawas atoya samatiyaen o nika olah to tireng ko nika olah iso to tao, yasanay a sowal Iso i, ikaka no nipipacakat to masamaamaanay a nitodohan a sapato'aya ato romaroma a cilisinay a sapato'aya ko nika nga'ay,>> han ningra.

Pasowal sato ci Yis, <<Ano hatira i, o no hongti no Loma a maamaan i, patikoen i hongti no Loma. O no Kawas a maamaan i, patikoen i Kawas,>> han Ningra. Safahka' sato cangra a mitngil tonini a sowal Ningra.