Adnodau Beiblaidd Poblogaidd o Matay 23

Rhanna

O satadamaanay namo i, ka o mamatayal namo.

O misatakarakaraway a tamdaw i, o mamasapo^ner. O misapo^neray a tamdaw i, o mamapacakat.

<<O cacilafo kamo o misamangahay ko dmak a pasifana'ay to Rikec ato Farisay a tamdaw. Mado^do namo a pacakat to ccay no mo^tepay a sapafangsis a hakka ato inon ato komin hananay. Kirami, o kakalimlaan a dado^doen a Rikec to mo^celay a dmak ato adayayay a faloco' ato so'linay a faloco' i, malacaayay pido^do kamo. Onini ko kakalimlaan a dado^doen namo. O romaroma to i, caay ko lalawaen.

<<O cacilafo kamo o misamangahay ko dmak a pasifana'ay to Rikec ato Farisay a tamdaw! Koracen namo ko papotal no takid ato sala. Nikawrira, matomes no coos ato 'anof ko laloma' nonini.

<<Aya: kamo o Yirusalim a tamdaw, patayen namo ko pali'ayaway to sowal no Kawas. Tkolen namo to fokloh a mipatay ko niocoran a patayra i tamowanan a tamdamdaw. Kinapinapi:nato Kako a mangalay a misa'opo to finawlan namo a matiya o pisa'opo no tawinaan to ciwciw i laloma' no sapikpik nira i, caay kakahi kamo.

Mahaenay kamo. Mo^celay a nengnengen ko papotal namo, nikawrira, matomes no mangah ato tatiihay ko laloma' no faloco' namo.