Adnodau Beiblaidd Poblogaidd o Luka 14

Rhanna

<<O tayniay i Takowanan a tamdaw i, ano caay ka ikaka no nika olah ningra to mama ato ina ato fafahi ato wawa ato salikaka to fa'inayan to fafahiyan ato 'orip no tireng ko nika olah ningra i Takowanan i, caay ka nga'ay a malanisawawaan Ako.

O caayay pi'orong to ciwcika no tireng a mitoor i Takowanan i, caayay ka nga'ay a malanisawawaan Ako.

Nawhani o misatakarakaraway a tamdaw i, o mamasapo^ner. O misapo^neray a tamdaw i, o mamapacakat,>> han Ningra.

Malcad tonini, ano cimacimato namo ano caay pifalah to dafong no tireng a ma^min i, caay ka nga'ay a malanisawawaan Ako.

<<Ano cima namo ko sapatirengananay to pikacawan i, misahalakaho cingra a mihapinang to sapatireng a payso. Ma^deng konini a payso hakini saan cingra a misa'osi. Ano caay haenen ningra ko dmak i, tado o pipatapang. Ano caay ka lahci i, katawaen no minengnengay a tamdamdaw cingra. Sowal asa, <Aya: kora tamdaw. Deng o pisatapang aca ningra a patireng. Caay pakalahci cingra,> saan.

Ano patala kiso to tadamaanay a tahka i, ka o pakoyoc a tamdaw, tatiihay ko tireng, o mapi'iway, o mapohaway a tamdaw ko tatahidangen. Ta mapalmed kiso. Nawhani caay pakapaco'ay cangra. Ano o kalomowadanto no mo^celay a tamdaw a ma'orip nai patay i, itiya a mapaco'ay no Kawas kiso,>> han ni Yis.

<<O nga'ayay ko cilah. Nikawrira, ano malasawad ko kahcid nira i, awaayto ko ^poc. Caay ko mamalasra ato mamalahiliw. Dengto o nika falah i papotal. Kamo o pakatngilay ko tangila a tamdaw i, pitngil!>> han ni Yis.