Adnodau Beiblaidd Poblogaidd o Yohani 7

Rhanna

O paso'linay a miti'er i Takowanan a tamdaw i, mato sowal i Fangcalay Cudad ko nika matiya o nemnem a mafowak ko sakaci'orip a nanom nai faloco' noya tamdaw,>> saan.

I saikoray a romi'ad no pisalisinan, o satadamaanay a romi'ad i, tireng sa ci Yis a milkal a pasowal, <<Ano cima ko maso'away a tamdaw i, katayni i Takowanan a minanom.

Onini a sowal i, o pipali'ayaw ni Yis a pasowal to pakayniay i Fangcalay 'Adingo, o lalayapen no paso'linay ci Yisan a tamdaw. Itiya i, caho ka ocoren no Kawas ko Fangcalay 'Adingo. Nawhani caho ka cakat ci Yis a ci'dil.

Aka ka o papotal aca ko nengnengen namo a mihapinang to tamdaw. Ka o mo^celay ko dmak namo a mihapinang a misawkit to tamdaw,>> han Ningra.

Ano o no tireng a harateng ko nitooran no tamdaw a pasowal i, o milongocay cingra to sakatadamaan ningra. Nikawrira, o milongocay to sakatadamaan noya miocoray i Takowanan a Kawas i, o so'linay a tamdaw, o awaay ko mangah ningra.

Saka, pasowal sa ci Yis i cangraan, <<O sowal Ako a pasifana' i tamowanan i, caay ko no Mako, o no miocoray i Takowanan a Kawas.

Caay ko mamaka'intel no tamdamdaw kamo. Nikawrira, maka'intel Kako. Nawhani o pasowalay Kako to tatiihay a dmak nangra.