Adnodau Beiblaidd Poblogaidd o Yohani 10

Rhanna

O sakatayni no mitakaway i, deng o mamitakaw, o mamipatay to siri. Nikawrira, o sakatayni Ako i, o sakaci'orip no siri ato sakalmed no 'orip nangra.

<<O nga'ayay a pakaenay to siri Kako. Kinafalah sa to 'orip no tireng ko nga'ayay a pakaenay to siri to saki siri Ningra.

Mafana' ko siri Ako a mitngil to ngiha' Ako, mafana' Kako i cangraan, mitoor cangra i Takowanan.

Paflien Ako cangra to mida'ocay a 'orip. Caay ko mamapatay cangra a tahada'oc. Awaay ko mami'afas i cangraan a paliyas nai Takowanan.

O 'adawang Kako. Ano pakayni i Takowanan ko tamdaw a micomod i, o mamapa'orip cingra, manga'ay cingra a micomod a masadak. Pakatama cingra to cirngosay a pipakaenan.

O nga'ayay a pakaenay to siri Kako. Mafana' Kako to no Mako a siri. Mafana' ko siri Ako i Takowanan.

Oya pafliay i Takowanan i cangraan a Wama i, ikaka no kalomaamaan a ma^min ko nika tadamaan Ningra, awaay ko paka'afasay cangraan a paliyas nai Wama Ako. Nawhani malaccayay Kako ato Wama,>> han ni Yis.

Malcad tonini, mafana' ko Wama i Takowanan. Mafana' Kako to Wama Ako. Saka, kinafalah sa Kako to 'orip to saki siri Ako.

Awaay ko mipatayay i Takowanan. Kako ko lonok sanay a kinafalah to 'orip no tireng. Ma^deng Kako a kinafalah tonini. Ma^deng Kako a mipalolol tonini. O nano limo'ot no Wama i Takowanan konini,>> han ni Yis.

Orasaka, miliyaw haca ci Yis a pasowal i cangraan, <<So'linen Ako a somowal kamo, o 'adawang no pasirian Kako.

O milifonay o caay ko so'linay a pakaenay to siri i, ano paka'araw to nika ira no oles i, siday han ningra ko siri ningra a milaliw, ta lpel hanto no oles ko siri a paliwasak. Caay ko ningra a siri ko nipakaenan ningra. Saka, milaliw cingra. O milifonay aca cingra. Caay ka limla cingra to siri.

<<So'linen Ako a somowal kamo, o caay paka'adawang no pasirian a micomod, oya lakoit sanay to 'adipel a tamdaw a micomod i, o mitakaway, o mari'angay cingra.