Adnodau Beiblaidd Poblogaidd o Dmak 1

Rhanna

Nikawrira, ano ma^podto i tamowanan ko Fangcalay 'Adingo i, o caci'icel kamo. O papawacay kamo to pakayniay i Takowanan i tini i Yirusalim, i polong no Yutaya ato Samariya tangasa i tolas no hkal,>> han Ningra.

Pasowal sa ci Yis i cangraan, <<Ano o pakayniay i toki ato romi'ad i, o Wama Ako ko citodongay a mihapinang tonini. Saka, caay ko kakafana'en namo konini.

Yo malakapotho cangra i, palimo'oten Ningra cangra, <<Aka piliyas to Yirusalim, talaenho koya nisowalan Ako i tamowanan to nano niktonan no Wama Ako a sowal. O nanom ko sapaino' ni Yohani. Nikawrira, caayto ka pina ko romi'ad ta o Fangcalay 'Adingo ko sapaino' i tamowanan,>> han ni Yis.

I ikor no nika patay Ningra i, pakaynien Ningra i masamaamaanay a dmak ko nipipahapinang i cangraan to nika o ma'oripay Cingra. Spat a polo' ko romi'ad Ningra a misacnacna' a pa'araw i cangraan a pasowal to pakayniay i Kitakit no Kawas.

Mahrek ci Yis a somowal tonini, yo minengneng cangra ci Yisan i, makakoy Cingra a talakakarayan. Ma'adingto no to'em saka, awa sato a ma'araw ko tireng Ningra.

Yo talakakarayan ci Yis i, pamotek sa cangra a pasikakarayan a minengneng. Itiya i, fahal sa a ira ko kohcalay ko riko' a tatosaay a tamdaw a tomireng i tatihi nangra. Sowal sa, <<Kamo o Kalili a tamdaw, nawiro tireng sa kamo a pasikakarayan? Onini a ninengnengan namo a miliyasay tamowanan a makakoy a talakakarayan ci Yis i, o mamahaen onini ko nipiliyaw Ningra a tayni,>> han nangra.