Adnodau Beiblaidd Poblogaidd o Matta 7

Rhanna

“Yi naai, ba ni ya ryi; yi cat, yi ni shya; yi tsot ka̱bvwa ka, ba ni ya yrang i.

A̱yin nu a̱ naai ni ba ni ku ryi; a̱yin nu a̱ ma̱n cat i a̱ ni shya, da̱ a̱yin nu a̱ tsot ka̱bvwa ka ni ba ni ku yrang i.

Yesu a̱ bo ya ka̱son a̱ hywa da̱ mba, “A̱yin nu a̱ ssang ba̱ryat nzuk ba a̱ tyei ni a̱ ryi di a̱ntyok a̱za̱ncyi nu a̱ nok ka̱ryi nu tazwa nhwang ni.

“Kyang a a cat ba̱nyet a̱ na̱ yya mi ni, nkpa a ma̱ ni ba̱ yya mi. Nkpa a̱mi yet Truwang Musa ji bu zzek ba̱nyet tyyei ba̱ryat Ka̱za na.”

Ryen na cong di ba̱nyet ba ka̱ryi sucet ka ni yet ka̱bahuhweyak nkpa, di ka̱nu gyeng ka a̱ nwai i ka yet a̱gba̱dang ba. Ba̱nyet ba a̱ kpo kok ni a̱ shii ka̱tswa ba.”

“Yi hyok ka̱bacincong ka̱nu gyeng ka, rot ka̱nu gyeng ka cong ka̱ryi dikwu ka ni a̱ shii ka̱ngat, ryen na ncong ni bvwa dikwu ba. Ba̱nyet ba a̱ kok ryen iya ni a̱ shii ka̱tswa.

Ki nyin ba̱ka̱tuk ba̱nyet bvwo wwat na̱won nyin a̱tsatsak nkyang, ba̱lle A̱tyyi nyin nu a̱ shyi Tazwa ni, a̱ ni cong ni a̱ wi wrak ba̱nyet ba a̱ ku naai ni a̱tsatsak za̱nang?

“Yi ryok yya ba̱yanyet shirya ba, ho Ka̱za a̱ ma̱ bu ya yya shirya, rot ka̱sak ka an yya ba̱yanyet shirya ji ni, a̱mi Ka̱za ka ma̱ ni na̱ yya mi; mudu na a maai ba̱yanyet i ni, nkpa a̱mi Ka̱za ka ma̱ ni na̱ maai i.

“Ma a̱yin nu a̱ ssang ba̱ryat nzuk ba a̱ zzwam ni a̱ ryi da̱ a̱bvwon a̱yin nu a̱ tuk ka̱ryi nu ka tazwa jijak ni.

Ba̱ a̱nzan a̱n byyi an cyang bu ka̱bacincong kyang ka a̱ shyi i dissi a̱wumba nwan ni, da̱ nwan ba cyang dikum ti shyi i dissi nwan ti ni ba. A ni yya ni n hywa da̱ a̱wumba nwan nu, ‘Ryok n na̱ tun ka̱bankyang ka a̱ na̱ kpa dissi nwan ti ni,’ nwan nu wu hwrang bu dikum i dissi nwan ti?

“Yi ta̱rwam bu ba̱nyet bvei diraa i diyrek Ka̱za. Ba ni nyyai a̱ ba da̱ nyin di bvon-tsaap ni, ma ka̱yat ndya mba ka a̱ yet na̱nying na̱bvwu a̱yit. Yi ni ba̱ bvwo i ka̱cyet mba ka. Ba a̱yin nu a̱ ka̱n kpyei a̱lemu i ka̱jyim ni, da̱ a̱yin na̱ ka̱n kpyei disum a̱bvap i ka̱kwo ba.

Ka̱kon ka a̱ shyi bu lafiya nka ni a̱ na sak a̱zizrak disum, ma ka̱kon ka a̱ sang lafiya ni a̱ na sak a̱ka̱tuk disum.

Ka̱kon ka a̱ shyi bu lafiya nka ni a̱ maai a̱n sak a̱ka̱tuk disum ba, di ka̱kon ka a̱ sang lafiya ni a̱n maai a̱ sak a̱zizrak disum ba.

Ka̱kon ka a̱ byyi a̱zizrak disum ni ba, ba na ka̱ tyyak a̱ kprup a̱ tyyi a̱n dong.