Adnodau Beiblaidd Poblogaidd o मत्ती 5

Rhanna

जां मैहणु दीया जाई करि तैस दियुंटा हैटां ना पण दियुंटा पन रखतै, तेख्णी घरेरै मैहणुवंनी सारानि प्रगड़ु पुजि गांहथु। तीहैं चारै तुवाड़ु प्रगड़ु मैहणुवां केरै सांमणै चमकिया कि सै तुवाड़ै भलै कंमा तका करि तुवाड़ै पिता परमेश्वरेरी, जै स्वर्गा मझ आ, तेसैरी महिमा करिया।

तुवे ऐस संसारेरै मैहणुवां केरै तेईनी लाईटी सैयि अत्तै; जै नगर पहाड़ा पन बसोरू आ सै छपि ना सकतु।

धन्य अत्तै सै, जेन्हैरै मंन साफ अत्तै केईनी कि तैन्हांं परमेश्वरेरै दर्शन कांने।

धन्य अत्तै सै, जै धार्मिकताय सिंउ जीवन जींणैरी सच मझ ईच्छा रखतै केईनी कि परमेश्वरा सैक्यै त्रिप्त कांने।

पण आंउ तुहां सिंउ ऐ बोलता कि अपड़ै दुशमणा सेईतै प्रेम कर, जां जै तुहां सतांतै तेन्हैरै तेईनी प्रार्थना करा।

“धन्य अत्तै सै मैहणु जै आत्मिक तौर पनि परमेश्वरेरै प्रति अपड़िया जरूतिया केरा ऐहसास कातै, केईनी कि परमेश्वरैरा राज्य तेन्हैरा आ।

धन्य अत्तै सै, जै मेल-जोल करवांणार अत्तै केईनी कि तेन्हांनि परमेश्वरेरै पुत्र बोलणु।

धन्य अत्तै सै, जै दुख मंनातै केईनी कि परमेश्वरा तेन्हांनि तसल्ली दींणी।

धन्य अत्तै सै जै धर्मी जीवन जींणैरी वजहि ला सतायूंतै केईनी कि स्वर्गेरा राज्य तेन्हैरा आ।”

धन्य अत्तै सै जै दयालु अत्तै केईनी कि परमेश्वरा बि तैन्हांं पन दया कांनी।

धन्य अत्तै तुवे, केईनी कि जेख्णी मैहणुवां तुवे मिंडै चैलै भूंणैरी वजहि सिंउ तुवाड़ी निंदा करिया, जां सताईया जां झूठ बोलि-बोलि करि तुवाड़ै विरोधा मझ हर प्राकारेरी बुरी गलै बोलिया। ता आनन्दित जां मघन भौ, केईनी कि तुवाड़ै तेईनी परमेश्वरै स्वर्गा मझ बड़ा बडा ईनाम रखौरा आ। ऐठणीरै तेईनी कि मैहणुवें सैक्यै भविष्यवक्ता बि जै बड़ै साल पेहिलै थ्यै सै बि ऐहियें-चारै सताउरै थ्यै।

धन्य अत्तै सै, जै नम्र अत्तै केईनी कि परमेश्वरा तैन्हांं सिंउ अपड़ै वादै पूरै कांने।

तुवे ऐस संसारैरा मैहणुवां केरै तेईनी लूणा सैयि अत्तै; पण अगर लूणैरा स्वाद बिगड़ी गहिया ता, फिरी तैस नमकीन ना बंणा सकतै। सै फिरी कोस कंमेरू ना रींहणु। सिवाय ऐठणीरै तेईनी कि सै भेईर सुटियो जां मैहणुवां केरै पायड़ा हेटीं पीह दियो आ।

ऐठणीरै तेईनी जरूरी आ तैन्हांं सिंउ प्रेम करा जै तुहां सिंउ प्रेम ना कातै। तिहियें-चारै तुवे सिद्ध बंणा, जेतिया तुवाड़ा स्वर्गीय पिता सिद्ध आ।”

पण तुवाड़ी गल हाँ ऐरी हाँ जां नाँ ऐरी नाँ भुईया; केईनी कि जै किछ ऐत किना जादु भूंतु सै शैतान यानि बुराई ला भूंतु।

तुहैं मैहणुवें शुणि लियौरू आ, कि व्यवस्थाय मझ ऐ लिखोरू आ, टीरैरै बदलै टीर, दंतैरै बदलै दंत। पण आंउ तुहां सिंउ बोलता कि, व्यवस्थाय मझ ऐ बि लिखोरू आ कि कोस बि बुरै मैहणुरै बुरै कंमा केरा बदला मेईं लींतै; पण जै कौ तिंडै देहिणी तलवड़ी पन थप्पड़ मारी करि तिंडि बेजती करिया, ता तैस धेरै होरी तलवड़ी करि दैई।

अगर तिंडु टीर ताउ पाप कांना पन मजबूर कातु ता तैस पापा कांना छडि दै! केईनी कि तिंडै तेईनी ऐ बधिया आ कि तिंडै एकि अंगा मझांं अक अंग खत्म भौ गहिया जां तिंडा सारा शरीर नरका मझ ना सुटियो। अगर तुवे अपड़ै एकि हत्था पाप कांननी मजबूर करिया, ता तैस अपड़ै हत्था पाप कांना किना रौक। ऐड़ि तेईनी कि अगर तुहां नरका किना बचणेरै तेईनी अपड़ा हत्थ बढि करि सुटणा पुईया, तां बि ऐहीं करा।