Adnodau Beiblaidd Poblogaidd o Mata 5

Rhanna

Ge mojo̰o̰ lampe go, nda dun ne digi go àa kubi ne ge sòo zì to, ɗaŋɗe, àa ee ne ge kaŋ ee lampe pe pagal ndwa go ne kɔn̰al zḛḛ ge nda ge zok zige ma ta mɔɗwag. N̰a kaŋ keeya ge ḛ ḛ ma kaa kɔn̰al ge nda ta peɗ, sok kuwa kaŋ keeya ge ḛ ḛ ge kwaɗa mbe ma go, nda duwana ma sale nè Ba ge no pḭḭ ma zì yà.

Ḛ dinna ge kɔn̰al go, ge nda ge dunin̰a zige ma pe peɗ. Suwal ga̰a̰l ge àa sḭḭ ne ge njal pagal digi, ne wayya to.

Laa saal a ge num ge kee fare ge Dok ne ge dul wa kɔn̰al ma pe, ago àa mbo kuwa Dok ndwa.

Laa saal a ge num ge no camal mage mam njuwal ge temel taɗ ma pe, ago num dul wa ma mbo ee se.

Ɗaŋɗe mbi, mbi jan ḛ go: Ḛ laa wa̰a̰ ḛ nda ge ho̰o̰l ma. Ḛ ke kaɗeya ge num ge njon̰ ḛ ma pe.

Zeso ɗege janna go: Laa saal a ge num ge ndil ta hoɗegeya maa on̰om zì ma pe, ago muluk ge Dok ne num way ne.

Laa saal a ge num ge ɓyare go halas kaa ge sok ma go peɗ ma pe, ago Dok mbo tol num na van ma.

Laa saal a ge num ge seɗ tiɗiya no ma pe, ago Dok mbo iyal num laa.

Laa saal a ge num ge njoɗ yal ge temel taɗ ma pe, ago muluk ge Dok ne num way ne.

Laa saal a ge num ge kuwa nda a̰se no ma pe, ago Dok mbo kuwa num a̰se waɗme.

Sok ge àa kaɗ ka sal ḛ, àa ka kee ḛ yal, àa ka jan fare ge sone ge diige pe peɗ ndwa vḛḛne ḛ dḭḭl ge mbi pe, ḛ ke laa saal. Ḛ ke laa saal, ḛ kaɗ fafan̰, ge dape, poɗɗa ge ɓaŋlaŋ da̰a̰re ḛ go ge pḭḭ ma zì yà. Nda ge zwagre Dok wa ge ḛ ndwa zḛḛge ma, àa kê num mbe go waɗme.

Laa saal a ge num ge no suul ma pe, ago Dok mbo hon num suwa ge na kee wa tii ge num pe ge na ɓul mɔɗwag.

Ḛ dinna ge nuwam go ge nda pe peɗ dunin̰a zì. Ɗaŋɗe, kaɗɗa nuwam camam gaa daa ya to no, a ge da ta ɗoo, ndu wa mbo gwan ge ne camam ya de? Gaa go àa ka̰a̰ ne gezi, nda duwana ma mbo vin̰a ge ne pagal.

Ḛ kaa nda ge mbyaɗɗa tab ma ge mojo̰o̰ ḛ Ba ge no pḭḭ ma zì yà go.

Kaɗɗa ḛ vinna kee a̰me, ḛ jin̰a bàŋ go, i kee ne ke, kaɗɗa ḛ kee to, ḛ jin̰a guwa go, i kee ne to. Fare ge ɗogle ge ḛ kan pagal ma mbo ge Ba ge zwam ta.

Ḛ ge kuwaya go, àa jin̰a ḛ baŋ ma go: «Ndu ge ɓaa na kon ndwa, àa ɓaa ne ndwa, ge hal na kon kin̰a, àa hal ne kin̰a waɗme.» Kaɗɗa ge mbi, mbi jan ḛ go: Ne kaa ge ḛ poo kaŋ keeya ge laa pisil ma, ge kaŋ keeya ge laa pisil to. Kaɗɗa ndu poɗ mo ya ge na tok guwa̰ ge mo gasa matoson go ndwa sen mo, seŋe ne lee magul waɗme.

Kaɗɗa mo sok a̰me ge mo duul ta ge ee mo ne deɗɗa, koo ne kaa mo ndwa matoson, zagle ne, mo dol ne gezi yà kaal ge mo. A kwaɗa ge mo pe, mo gaa ge ndwa lee ɗu, ge go mo sḛ ge ɓul mɔɗwag, àa doo mo ge sok njoɗ yal zì yà. Kaɗɗa mo sok a̰me ge mo duul ta ge ee mo ne deɗɗa, koo ne kaa mo tok matoson, kṵṵ ne, mo dol ne gezi yà kaal ge mo. A kwaɗa ge mo pe, mo gaa ge tok lee ɗu, ge go mo sḛ ge ɓul mɔɗwag, àa doo mo ge sok njoɗ yal zì yà.