Adnodau Beiblaidd Poblogaidd o Juan 3

Rhanna

I Dios lik k'ax xeuna i winaq chwach i jyub' ta'aj, rumali xutaq li uk'ojol chi lik xa jun olik, man pachin jun kkojon che, lik kuriq uk'aslemal chi kk'is ti chik.

Man i Dios xutaq ta li uk'ojol chwach i jyub' ta'aj yab'al i tojpen pkiwi i winaq, ire xutaq li Uk'ojol elsab'al ke i winaq chupam i kamik.

I Jesús xub'ij che: —Lik saq laj tzij kinb'ij chawe, jun we kalax ti ukamul, lik kok ti uri che i ajawinik re i Dios.

Pachin jun kkojon che Uk'ojol i Dios, lik kya' ti pa tojpen, xwiri pachin kkojon ti che, lik yatal chik uri pa tojpen man xkojon ti che Uk'ojol i Dios chi xa jun olik.

I winaq chi kekojon taj lik je yatal chik uri pa tojpen, man ike kki'an jalajuj taq b'iroxik chi utz taj, are xk'un i saq chwach i jyub' ta'aj, ike are xki'ul i equm are ti i saq.

Ire rajwaxik chi kok'il kel b'i u'ij xaq yin rajwaxik kok'il kqaj li in-ij. Keje ile xub'ij ma Wan chke.

Konojel ni'pa i winaq chi kki'an i utz taj lik tzel kkil i saq xaq kkaj taj chi ketejeb' ru' i saq man kkaj taj kenab'exik wach ketijin chu'anik.

Pachin kkojon che Uk'ojol i Dios o uri uk'aslemal chi kk'is ti chik; xwiri pachin jun kkojon ti che nti uri uk'aslemal chi kk'is taj, xa kya' ni uri i nim laj utojb'alil umak rumal i Dios.

Keje pacha xu'an ma Moisés chi xuyak an uk'exwach i kumatz chikaj pa tz'inilik jyub' chaqij, xaq keje ku'an ni jun chi pacha Winaq chi Xolalaxoq chwach Ulew kyak nu b'i chikaj

I Ta chikaj lik k'ax kuna Uk'ojol, xaq xuya pu'ab' ronojel ni'pa i olik.