Adnodau Beiblaidd Poblogaidd o Matyo 7

Rhanna

“Biiri shi e ba ndɛ̀ʼ engɛ̂. Zɛʼɛ shi ngwo wa zɔ. Gbeʼre shi e ba fuʼ enduʼndɔ engɛ̂.

Mbɔʼnga egho wɛ è ma biiri ebe Ngwe ngɛ è wa nu, egho wɛ zɛʼɛ ngɛ è wa zɔ, egho gɛrɛ ma gbeʼre ngɛ e ba fuʼ enduʼndɔ ebe engɔ.

“Éngɛ abɔ byɛ e ma zo abwa yɛ mmɛ ma ga gɛ̀rɛ̀ ma fwɛʼ ngɛ, ne mwɔ na gho azɔm wɛ à byɛ ndɔ mɔ edɔm ekob ngɛ nɔ.

Éngɛ, ngà le ebe abɔ tsɛrɛ ebwa wɛ ngwo ma ke kpe é le ekwa ngwɛ ngɛ. Ewunɔ na ato ega ene etsɛrɛ Mose mane abwa yɛ bàmɛnɛkɔn Ngwe à ma tee ngɛ.”

Bɛʼngɛ enduʼnkɛmɛ wɛ e ma ndɛ̀ʼ etyê ngɛ we kpɛɛ, enjì yɛ e ma ngɔɔ aŋu ngɛ gɛrɛ me kɔrɔ. Abɔ byɛ e me nɛɛ enjì yɛ ngɛ be kpɛɛ.”

“Mbɔn fɔɔ ene enduʼnkɛmɛ wɛ e me fɛrɛ ngɛ mbɔʼnga enduʼnkɛmɛ wɛ e ma ngɔɔ efwɔ edzɔwu asatan ngɛ we bɛrɛ. Aghɛʼ yɛ a ma gbee à ngɔɔ aŋu ngɛ ye zɛɛrɛ me zamma é zhiri anyi, bɔ akɛkɛ ma fɔɔ anjì aŋu.

Mala mbɔn bɔ bɔɔbɔɔ me né ndɛʼ ela nchwɔnchwɔ ebe bwɔ mbɔn, àtɛ ngɔn ekere ke ma ngo ndɛʼ ela nchwɔnchwɔ byɛ mbɔn ma biiri ngɛ fɔɔ éngɛ bo?

Ke tsɛrɛ esɛʼ ato gho deʼ bo mbɔʼtye Ngwe gɛrɛ ne esɛʼ ato njɛ tsɛd. Ngwe ya sɛ̀ʼɛ awɛ nkirinkin ene aghɛʼ yɛ ngwo ma sɛ̀ʼɛ abɔ tsɛrɛ ngɛ. Ebwa wɛ ngwo ma nu é sɛʼ egho wɛ anyi ngɛ gɛrɛ ne engɔ Ngwe ma nu é sɛʼ awɛ anyi.

Bɛʼngɛ egho wɛ ma zo ega ngu shi ne ma le bo ngɛ, ne mwɔ na gho atii wɛ à byɛ ndɔ mɔ edɔm ńchiri nɔ

Ayɛ me le ngwo ma zamma zɔ êndzɔrɔ wɛ è mwɔ aghɔɔ ghongwa ngwɛ ngɛ ne kpe mbè zamma zɔ antiri azɔd yɛ a mwɔ efwɔ ènjɛ̂ eghɔɔ ngɛ bo? Ngwo wa da sa ga ebe ghongwa ngwɛ kpe, “Shi mmɛ chi êndzɔrɔ wunɔ aghɔɔ njɛ” wɛ ngwo me le antiri azɔd efwɔ anjɛ aghɔɔ ngɛ ene.

“Mbɔn nu azɔm nè bàmɛnɛkɔn andɔɔ. E na zeʼe endɔn ma tee kpe e be bwada na ǹglɔ̀rɔ̀ nɔ ene ezɔɔrɔ, bɛʼngɛ efwɔ ńtara angɔ e mwɔ ne ekùru ma gwɔn chwɔ nɔ. Ngwo wa ngo nɛɛ angɔ ene abwa yɛ angɔ ma le ngɛ. Ankwò ke ma kla enta ebere bo, àzòo gɛrɛ ne ma kla enta ajwɔ bo.

Ezɔd nchwɔnchwɔ gimkpaʼ na kla enta ǹchwɔ̀. Bɛʼngɛ ezɔd bɔɔbɔɔ gimkpaʼ gɛrɛ ma kla enta bɔɔbɔɔ.

Ezɔd nchwɔnchwɔ ke né kla enta bɔɔbɔɔ bo, azɔd bɔɔbɔɔ gɛrɛ ke né kla enta ǹchwɔ̀ bo.

Azɔd deʼ yɛ a ne ma kla enta nchwɔnchwɔ bo ngɛ e ba gbɛ saa a chwâ ndwa efwɔ edzɔwu.