Adnodau Beiblaidd Poblogaidd o Sɩngre 45

Rhanna

Moasã, da sãam-y y sũy ye, la y ra maan-y y bãngẽ ne yãmb sẽn koos maam tɩ b tall maam n wa ka wã ye. Bala, yaa Wẽnnaam sẽn ka rat tɩ yãmb ki wã yĩng la b sẽn kɩt tɩ mam deng yãmb taoorã.

Rẽ wã, ad ka yãmb n kɩt tɩ mam wa kaanẽ ye, yaa Wẽnnaam n tʋm maam! La yaa Wẽnnaam n kɩte, tɩ mam lebg wa Faarõ ba, la m soog a yirã fãa, la m yɩ naab n soog Ezɩpt soolmã zãnga.

Yaa rẽ tɩ Wẽnnaam tʋm maam tɩ m deng yãmb taoor n tɩ segl tɩ yãmb tõe n paam bu-kell soolmẽ wã, la m fãag yãmb ne fãagr kãsenga, tɩ y tõog n põse.

A Zozɛf yeela a ba-biisã yaa: «M kotame tɩ y wa kolg maam!» La bãmb sẽn kolge, yẽnda yeelame: «Mam yaa yãmb yao a Zozɛf yãmb sẽn dag n koos tɩ b tall n wa Ezɩpt tẽngã.

Ade, yaa yʋʋm a yiib moasã la kom-kãsengã sẽn kẽ soolmã, la keta yʋʋm a nu tɩ koobo, wall tigsg ka na n zĩnd ye.

A Zozɛf yeela a ba-biisã yaa: «Yaa maam la a Zozɛfe! M baaba ket n vɩɩme bɩ?» Yẽnda ba-biisã rag n ka tõe n leok yẽnda ye. Bala, bãmb sẽn mik tɩ yaa a Zozɛf taoor la bãmb sẽn be wã, b yɛɛsame.