Adnodau Beiblaidd Poblogaidd o San Marcos 9

Rhanna

Ra ka̱chi Jesús saá: ―¿Na chiñu káchi‑ún “á kuvi”? Nu̱ú na̱ kántíxa, ntikuíi va ña̱ kuvi.

Ra iin nti̱ku̱n nta̱kuiin téꞌé táta ra̱ loꞌo, káchi‑ra̱ saá: ―¡Yu̱ꞌu̱ kántíxa; chinteé yu̱ꞌu̱ ná kantíxa va̱ꞌa ka‑i̱!

Tá ni̱ki̱ꞌvi Jesús ini veꞌe, ta míí na̱ sákuaꞌa nu̱ú‑Ña̱ ni̱nta̱ka̱túꞌun sěꞌe‑na̱‑Ña̱: ―¿Na chiñu ntu̱ꞌu̱ köníkuvi tavá‑nti̱ ta̱chí u̱ꞌvi̱ ini‑ra̱? Ta ka̱chi‑Ña̱ saá xíꞌin‑na̱: ―Ña̱ yóꞌo xíꞌin nta̱a̱ nii iin ña̱ꞌa küvi kana‑ña̱, chi nta̱a̱ ka̱ka̱ ta̱ꞌví‑yó nu̱ú Ntióxi̱ [xíꞌin ña̱ kusuꞌun‑yó], nta̱a̱ saá sá kana‑ña̱.

Va̱ꞌa va i̱ín, suu tá ná ntañúꞌu ña̱ u̱ꞌva̱‑ña̱, ¿na̱xa kasa‑ña̱ ntuu u̱ꞌva̱ tuku‑ña̱? Ña̱ ikán, na̱ va̱ꞌa kuu‑ntó tá ku̱va va̱ꞌa i̱ín, ta kuntee va̱ꞌa xíꞌin táꞌan‑ntó.

―Ntáa na̱ ntákiꞌin iin ra̱ loꞌo tá ku̱va ra̱ yóꞌo xa̱ꞌá ña̱ kúni̱‑na̱ yu̱ꞌu̱, mií‑i̱ ntákiꞌin‑na̱; ra na̱ ntákiꞌin mií‑i̱, süvi iin nta̱a̱ mií‑i̱ ntákiꞌin‑na̱, chi saá tu ntákiꞌin‑na̱ Ña̱ ta̱chíñu yu̱ꞌu̱ va̱xi‑i̱.

Xa̱ꞌá ña̱ kúú‑ntó na̱ ntíku̱n Cristo, Ña̱ ta̱chíñu Ntióxi̱ va̱xi sáka̱ku na̱ yuví, ntáa‑na̱ ná taxi loꞌo ti̱kuíi koꞌo‑ntó xa̱ꞌá ña̱ kúni̱‑na̱ yu̱ꞌu̱, ña̱ nta̱a̱ ni̱ꞌí‑na̱ ña̱ va̱ꞌa xa̱ꞌá ña̱ kíxa‑na̱.

’Ntáa iin‑na̱ ná sántakava iin na̱ válí yóꞌo, na̱ kántíxa yu̱ꞌu̱, nu̱ú kua̱chi, ña̱ va̱ꞌa ka kúú‑ña̱ ná katún iin‑na̱ iin yu̱ú káꞌnu su̱kún‑na̱, ra ná sákána‑na̱‑na̱ ini már.

Átu xíꞌin ntuchí nu̱ú‑ún kíxa‑ún kua̱chi, tavá‑ña̱. Ña̱ va̱ꞌa ka kúú‑ña̱ ná kuu‑ún ra̱ nu̱ú kóꞌlí, ra koo‑ún xíꞌin Ntióxi̱ nu̱ú xáꞌntia‑Ña̱ chiñu süu saá ka kúú‑ña̱ ná koo u̱vi̱ saá ntuchí nu̱ú‑ún, ra ku̱ꞌu̱n‑ún ntiayá