Adnodau Beiblaidd Poblogaidd o MAADOCO 14

Rhanna

Töwö cönä’döaacä töwa’deuwödaawä: —Jaaja, tameedä tödööjai ma amäädä. Mädä wäntunaanö’tojo mäiñetuncajoi’che öwwä. Yaawääne’ amäädä ätö’tajäätödö woijeene cödööcä, öwö woije’daane; quee cönä’döaacä.

Äädai’chätääcä; Wanaadi wwä adha’deutäcä, mä’yunaacajooto’no. Jäduuje awei’she aweichaameiñe, ajuunucoomo mmaane jäduuje’da na; quee cönä’döaacä Jesuuquidiito.

Chäänönge yääje wä’döa äwwäiñe, tameedä yeichö wa’cä edä nono de’wä aashichaato wätunnä ecammajäätödaawä, määdhä wodi nödö’jödö mmaja necammaato’dede, töwö chääjäcä soto chö’tajä’to’comooje; quee cönä’döaacä Jesuuquidiito.

Töwö cönä’döaacä chäwwäiñe: —Wentumje tö’tajä’a, äämajaicho wa’cä. Eetä cöwoomo’täcä; äädai’chätääcä; quee cönä’döaacä.

Yaawä töwääwashinchädaawäiñe Jesuuquidiito uu cönannäjöi. Chääjäcä töwa’deuwö’jeje cöni’yajäätöi. Chäwwäiñe cuntui yaawä; cönä’döaacä: —Edä; täu’täcä. Edä yää yeejö; quee.

Wocö daja cönannäjöi chea yaawä. Chääjäcä töwa’deuwö’jeje chääwaadäiñe cöneecamoi. Tameedä tönwanno cöneenöicho. Yaawä töwö cönä’döaacä chäwwäiñe: —Edä yää yaaquiyö, chäänönge Wanaadi necamma’jödö yeichö ene’ju’tojo, jooja’como soto jäcäinchädäiñe töja’emö.

Töötädaawäiñe Jesuuquidiito cönä’döaacä tönoowanoomadö wwäiñe: —Tameedä änwanno co’nomjaato’de edä coijaichawä, imennaajä nä’döaadöje: “Oweeja edai’chäneichomo waiju’ja’de; oweeja näämecantaato’de yaawä;” quee imennaajä nä’döa.

Ääma’tätääcä; cöötätäiye eduuwa. Eneetäcä’ma, yu’nei ne’aadö; quee cönä’döaacä Jesuuquidiito tönoowanoomadö wwäiñe.

Yaawä Jesuuquidiito cönä’döaacä chäwwä: —Chäänönge yääje wä’döa äwwä, edä coijaichawä dea, aacädeeto wameedi wetöömödö owaajodä, aaduwaawäde cöjoome’da’de; quee cönä’döaacä Jesuuquidiito.