Adnodau Beiblaidd Poblogaidd o DOSECHO 2

Rhanna

Yaawä Peedhodo cönä’döaacä chäwwäiñe: —Ätö’tajäätödööcomo sha’duminchatääcä; wautisaaje ä’döjootäcä Jesuuquidiito eetö joi, ocoone’nadiiyöcoomo ätäncwanno’joiye. Yaawä Wanaadi nu’a’de Epíiditu Santo äwwäiñe.

Ñanno chäänönge tönnöe cönä’ja’to anonta’como wwä towaanomaadöcoomo; aashicha töweiye cönä’ja’to tönwannoje dea. Töwe’jumma töweiye cönä’ja’to Wanaadi wwä töwa’deuwödööcomo wetä, Santa Seena tödöödö weta mmaja.

Tameedä tönwanno Epíiditu Santo jäduudu ’je cönä’döicho yaawä; cönaajäntoicho yaawä anejja a’deucwe töwa’deuwödööcomo, Epíiditu Santo nutuudu woije.

Yaawä jadheedä cadeemedu nöngato cönäätai caju ña, jejeichä joojato wä’dödö nönge. Maa weichö wa’cäädä cönäätai, shuucu chaawä cönä’ja’todö. Chäwwäiñe cönäämecantäi yaawä wa’to wätuudinchädö nönge. Tameedä tönwanno Epíiditu Santo jäduudu ’je cönä’döicho yaawä; cönaajäntoicho yaawä anejja a’deucwe töwa’deuwödööcomo, Epíiditu Santo nutuudu woije.

Anooto waadäi töwe’jumma töweiye cönä’ja’to Wanaadi weichojo taca. Tömmaichomo waadäi Santa Seena tönnöe cönä’ja’to; tujuumä töwääwashinchä cönä’ja’to dea, ta’cwaiñe töweiyancädäiñe, o’jodhe tötö’tajä’ancädäiñe’da mmaja. Aashicha töwa’deuwe cönä’ja’to Wanaadi jäcä. Tameedä soto ta’cwaiñe töweiye cönä’ja’to chääjäcäiñe. Anooto waadäi Cajiichaana Wanaadi ñanno täcaanö’nnamo jadäiñe töneejodööjoiñe cönä’jaacä ñanno yääwanaaca’como.

Wanaadi yääje nä’döa: Anooto ataamejai yä’döa’jäcä Epíiditu Santo wu’a’de tameedä soto wwäiñe; iiñacoomo untudu woije necammajä’aato’de, dhanwaacomo, wodiiñamo mmaja; ääjömannamo töwäänemjönö neneeaato’de; inchoncomo niwäänetööaato’de.

Ñanno ecaanö’nnamo aata’deucwe töweiye cönä’ja’to; tameedäädotooje tönnödööcomo tönnöe cönä’ja’to. Tönwanno tönsomaadöcoomo töneejemaajo cönä’ja’to, tameedä töwwäiñe cönä’ja’dö; yaawä chääje’jödö töneecamo cönä’ja’to anejjacoomo wwä, a’que yeichö woije.

Ñäädä Cajiichaana ecaanö’nei nääwanaaca’de; quee cöneecammajäätöi Joweede.

Shii nichööjanga’de yaawä, nuunä naquiicha’dede, Cajiichaana weejödö owaajo, yää aashicha yäänejootojo anootoi’chädö, o’jodhe yäänejootojo mmaja.