Adnodau Beiblaidd Poblogaidd o Diarhebion 12

Rhanna

Gofid yng nghalon gŵr a bair iddi grymu: ond gair da a’i llawenha hi.

Y neb a garo addysg, a gâr wybodaeth: ond y neb a gasao gerydd, anifeilaidd yw.

Rhyw ddyn a ddywed eiriau fel brath cleddyf: ond tafod y doethion sydd feddyginiaeth.

Ffordd yr ynfyd sydd uniawn yn ei olwg ei hun; ond y neb a wrandawo ar gyngor sydd gall.

Mewn un dydd y gwybyddir dicter yr ynfyd: ond y call a guddia gywilydd.

Gwraig rymus sydd goron i’w gŵr: ond y waradwyddus sydd megis pydrni yn ei esgyrn ef.

Ffiaidd gan yr ARGLWYDD wefusau celwyddog: ond y rhai a wnânt yn ffyddlon, a ryngant fodd iddo ef.

Y cyfiawn a ragora ar ei gymydog: ond ffordd y rhai drygionus a’u twylla hwynt.

Gwefus gwirionedd a saif byth: ond tafod celwyddog ni saif funud awr.