Adnodau Beiblaidd Poblogaidd o MATIUS 18

Rhanna

Sabana ri umba-umba tau nasiromu riara sangaku nau aga romba'a atau tolumba'a, Aku mboto naria ri setu nosanggani-nggani ante ira.”

Pade kuuli wo'u ka komi ane maria romba'a komi ri dunia e'i mosaongu rara mosambaya merapi sangele, posambaya komi etu kana rapoiyo Umaku ri suruga.

Nangepe etu Yesus nompokio samba'a ngana nggedi pade nipopekanggorena ri tatongo anaguruna, pade niulina ka ira, “Aku mpu'u-mpu'u notesa ka komi, ane komi da'a majea bo majadi nasimbayu ewa ngana nggedi e'i, komi da'a mamala majadi todea riara Poparenta nu Alatala.

Jadi tau to mompakaede rarana pade majadi ewa ngana nggedi e'i, i'amo to meliu nggalanga katuwuna riara Poparenta nu Alatala.

Pade isema-sema mantarima samba'a ngana nggedi ewa e'i sabana i'a nantuki Aku i'a wo'u mantarima Aku.

Aku mpu'u-mpu'u notesa ka komi, nuapa to nitagi komi ri dunia e'i, etu nitagi wo'u ri suruga. Pade nuapa to nipaloga komi ri dunia e'i, nipaloga wo'u ri suruga.

Yesus nompakaopu tesana ante nanguli, “Iwetu wo'u Umaku ri suruga mompowia ka komi ane komi da'a mombaampungi sampesuwumu ante mpu'u-mpu'u raramu!”

Tapi isema-sema mombabagiu samba'a ngana nggedi sampe i'a mowia silaka, nabelopa ane saongu watu bete raso'o ri tambolona pade i'a ratajiaka riara ntasi to nandalana.

“Rapana maria samba'a tau nompatuwu bimba satu onguna pade naria saongu bimba natonto nuapa rapowiana? Iwenu pombaratamu? Natantumo i'a kana mompalasi bimbana siompulu bo sasio etu ri buluna pade malau mangelo bimbana saongu to natonto etu.