Adnodau Beiblaidd Poblogaidd o Yoh 16

Rhanna

Ebi mbibagambiire nukwo muzoole obusinge omuli nyowe. Omunsi mwina obujune, baitu mugume. Nyowe, ensi ngisingwire.”

Mwoyo w'amazima obu aliija, alibeebembera abooleke amazima goona. Uwe talibaza habw'obusobozi bwe, baitu kyona eki alihurra, nikyo aligamba; kandi alibamanyisa n'ebirukwija kubaho.

Mwakaba kuba, timukasabaga kantu omu ibara lyange. Musabe, muliheebwa, nukwo okusemererwa kwanyu kuhikirre.

Nabwo nimbagambira amazima nti: Okugenda kwange nikubagasira. Kakuba ntagenda, Omuhabuzi talibaizira; baitu obu ndigenda ndimubatumira. Uwe obu aliija alirumiriza abantu habw'ekibi, habw'obuhikiriire na habw'okucwerwa omusango.

Inywe nimusaalirwa hati, baitu ndigaruka mbasuule, nukwo emitima yanyu erisemererwa, kandi okusemererwa kwanyu oku busaho n'omu alikubaihaho. Ha kiro eki timulinkaguza kantu. Mali mali nimbagambira nti: kyona eki mulisaba Isenyowe omu ibara lyange, alikibaha.

Mazimakwo nimbagambira nti: Inywe mulirra, muliganya; baitu ensi, yo erisemererwa. Mulisaalirwa, baitu okusaalirwa kwanyu kulirugwamu okusemererwa.