Adnodau Beiblaidd Poblogaidd o मत्ती 1

Rhanna

तेस्सा एक बच्चा जमणा होर तू तेसरा नांऊँ यीसू रख्या, क्यूंकि तेस आपणे लोका रा तिन्हारे पापा ले उद्धार करणा।”

“कि देखा, एक कुआरिया गर्भ धारण करणा होर तेस्सा एक बच्चे जो जन्म देणा, होर तेसरा नांऊँ इम्मानुएल रख्या जाणा,” इम्मानुएल रा मतलब आ “परमेसर आस्सा साउगी।”

जेबे से इन्हा गल्ला जो सोचदा लगिरा था, ता परमेसरा रे स्वर्गदूते तेस जो सुपणे मन्झ सुझ्ही किन्हें बोल्या, “हे युसुफ राजा दाऊदा रे बंस, तू मरियमा जो आपणी लाड़ी बनाणे ले मत डर, क्यूंकि जो तेस्सा रे गर्भा मन्झा आ, से पवित्र आत्मा री तरफा ले आ।

यूयाँ गल्ला यीसू मसीहा रा जन्म हूंणे रे पैहले हुई। जेबे तेसरी माऊ मरियमा री मांगणी युसुफा साउगी हुई गई, ता तिन्हारा ब्याह हूणें ले पैहले मरियम पवित्र आत्मा री तरफा ले गर्भवती पाई गई जेबकि से हाल्ले भी कुआरी थी। मरियमा रा बरेड़ युसुफ एक खरा माह्णुं था होर से सब लोका साम्हणें मरियमा जो बदनाम नी करणा चाहन्दा था (क्यूंकि से ब्याह हूणे ले पेहले गर्भवती थी), इधी कठे तिन्हें चुपचाप मांगणी तोड़णे रा फैसला कितेया।