Adnodau Beiblaidd Poblogaidd o Yohanes 13

Rhanna

Ni Aku é méhéma um perénta weru wia ni kamu: Mahraa-raatéanla si esa wo si esa, tanu ni Aku i rumaraaté ni kamu téntu kangkasii ni kamu é léwo'zéi' i mahraa-raatéan. Sa ni kamu mahraa-raatéan, péléng sé tou é mata'u i ni kamu ém pahtuzu'eng-Ku.”

Niitumo, sa ni Aku in Tuang wo Méster niou é mahwo'as an a'é niou, ni kamu é léwo'zéi' i mahwowo'asan un a'é niou. Ni Aku mahwéhéma wia ni kamu ung kékéréan, wo ni kamu kangkasii é mahwangunla am winangun-Kumoma wia ni kamu.

Kuan ni Yesus wia ni sia, “Apa um pahwanguneng-Ku in tarékan én zéi'kan katulapannu in tarékan, taan niitu éng katulapannumokan in tumondong.”

Uli-ulit ikua-Kuma wia ni kamu: si ata én zéi'kan lumousé si tuangna, wo si aatu én zéi'kan lumousé si nimatumé.

Sa niia péléng kinata'uan niouola, ni kamu é mahpaa-paaz sa ni kamu mahwangun niana.

A si Yesus rumendaié, wuka-Nama ung karai tonton-Na, a Sia mendomé un anduk, an iapus-Nala witu un eembetan-Na. Tumondong niitu, Sia mérama un zano witu u loyang, a méhé i mo'as an a'é né pahtuzu'en-Na wo un a'é néra kumii-kiit im pahperan-Nama karia un anduk méiapus-Na witu un eembetan-Na.