Adnodau Beiblaidd Poblogaidd o ɛLuka 23

Rhanna

ɛYɛso gha ne yɔngɔ, “ɛTaa, hana nibhɛ nɛ, sɔng nibhɛ yɛɛ ɛkɔn na nɛ nibhɛ mɔn nang.” Nisooja na ne ji ren inɛn daa ne ibol ne itsura da, te nibhɛ seng ɛwoo ne ɛrɔngɔ yaa boos.

ɛYɛso gha ne kyii ɛbhɛ nɛ, ɛ yaak ɛbhɛ, “Nzi tɔng ngɛ itin nɛ, izenge wo aa bhɛ soos ɛlɔ nge daa ne ijwee ne irway ihwala wo.”

Ne ɛ ji yaak ɛYɛso yegha, “ɛYɛso! Yaa sɛ ɛ kɛ bhɛ wara ne igbɔm mo da te ɛ ne taate ne mee.”

ɛYɛso gha ne yel-le ne ɛgbaang ne izɔlɔs, ɛ yɔngɔ, “ɛTaa, nggɛ tek iken nge de ndɔ ne iwɔ mo.” Kɛ ne sɛ ɛ kɛ boote ɛlɛ wo nang, ifɔng ɛbhɛ da ne ji wuru.

Kaa ne sɛ nibhɛ kɛ bhɛ tuu ɛlɔ gha ne i bok ɛbhɛ ɛlɔ ne iKpɔrɔk ne iTso ba, nibhɛ ne gangat ɛYɛso yegha ɛnggyɛ wo nɛ ninaa ifaa na, ɛdaan ne so ne iwɔ ne irwye ɛbhɛ ɛdɛng ne ji so ne iwɔ ne itsan ɛbhɛ.

Kɛ ne sɛ ɛceree ne igbey, ɛzay ya ne ku te gbyik gbik. Ɛlɔ gha ne shɛɛ ɛlɛ wo ɛ phyii hɔn ɛwa ɛtat. Sɔng iroy de kaa ne tɔ tol nang, ɛlɛbhɛlɛ ndɔ ne iDeng nga ne le dak ɛ kpɛrɛt ɛceree ɛ hobhoset ɛphaa. ɛLɛbhɛlɛ ndɔ ne iDeng nga ne ɛ kɛ hobhose ɛLɔ gha kɛ Tul Kang ngo ne ɛHaa ne kɛ Tul Kang i Shɛs so.

ɛNdiinday nisooja na ne ɛ sonɛ ɛlɔ yɛwo ne yaang ɛkɔn na ne ɛ kɛ te wo, ne ɛ nang ɛTaanggbey ye ne ndiinday, ɛ yɔngɔ, “ɛTsak! ɛNyi yeghaa wo ɛnyi ɛyɛnɛng.”