Adnodau Beiblaidd Poblogaidd o ɛLuka 17

Rhanna

ɛYɛso gha ne ji yaak ɛnyi gha, “Yilitsik te ɛ hyel, ìnang ne itin mo iphɛ phɛ kɛ teyɛ ɛken.”

Ɛ sɛ kyi bees sɛ nɛ ɛtuk ɛdaan ɛ tenɛ ɛniitaa, ɛ ma roro yɛ ɛlɛy, hana ɛbhɛ nɛ.”

Kɛ ne sɛ ɛdaan ndɔ nibhɛ wo kɛ yaang ɛli ne kɛ tul ɛbhɛ ivebhe da, ne ɛ yaa dɛp ɛTaanggbey ye ne ɛgbaang ne izɔlɔs. Ne ɛbhɛ ho ne itiita ɛYɛso de, ɛ tɔɔl ɛbhɛ irway ihwala. Ɛ kaa ne so ɛnyi ne iSamariya.

iPhɛ ɛlɛy, wɛɛ ɛn nyini! “Wu ɛgwaa mo kɛ mɔn ɛfɔt, nep ɛbhɛ, wu ɛ kɛ ne roo ihana, hana ɛbhɛ nɛ.

ɛYɛso gha ne yɔngɔ, “Ninyi ɛnduwubɔ ne kɛ tul nibhɛ ivebhe da nang? ɛByin ninyi ɛnduwujɛng ne ji so ɛbii?

ɛYɛso gha ne kyii nɛ, ɛ yaak nibhɛ, Ɛ sɛ kyi bok ɛn ìnang ne itin de ncɛncɛt te itsarak ɛ imɔsita, ɛ sɛ ne yaak ɛn gbaang ɛhon nɛwoo, “Yinɛ yɛ, ɛbhɛ see yɛ ndɔ ɛling, ɛ sɛ ne roos nyini nɛ.”

ɛHiha ɛnyi ne ɛ sim te aa phɔt iken ɛbhɛ de, aa ne wɔs iphɛ. ɛHaa ne ɛ kɛ mbaray tang phɔt iken ɛbhɛ de, aa ne sɛ iphɛ.

ɛYɛso gha ne yaak ninɔn ne icwam ɛbhɛ na, “iPhɛ so nggbinggbing nikɔn na nɛ nibhɛ te ɛnyi gha mɔn ɛfɔt to yɛɛs, ne so ɛkɔn ne ɛnik daa ɛnyi gha ne aa te nikɔn nɛnaa wo yɛɛs so. iPhɛ sɛ ne ma yung so ɛbhɛ phyonka i rop ɛbhɛ ne ɛgbaang ne ikɛɛ ne hɔng nkpana ntsuuntsɔ i cwaak ɛbhɛ ndɔ ɛling, ne aa te ɛdɛng ndɔ ne ninɔn nishɛɛrɛng ngɛnaa wo mɔn ɛfɔt to.

ɛLi ne iphɛ kaa te nten ɛNuhu de, ɛlɛy ne iphɛ sɛ ne te nten ɛNgɔn ɛNyi de. Ninyi na kaa re, nibhɛ sɔ, nibhɛ tuul nikuk, nibhɛ dad ijɔwɔ de ihywee-ihywee, ma phyii ne hɔn ɛtuk ka ne ɛNuhu gha kɛ lel ɛgyirigyi gha. ɛNggyey yo, ɛgbaang inɛn no ne ji yɛɛs mpɛ phobho nibhɛ gbik.