Adnodau Beiblaidd Poblogaidd o Matiu 3

Rhanna

Ane tou-tou menosokau hangko i dosami, nibabehimide babehia au maroa.

Roo nodo, rahadimi wotuna Pue Ala hangko i langi au manguli, “Ia idemi AnaNgku au Kupokakaia hai Kupokatana.”

Karoona Yesu rariu, mesoremi hangko i lalu owai. Unga pea tebungkahi langi, hai Ia moita Inaona Pue Ala nodo tadasi manggebodo mendaulu Iria.

Nauli mbuli Yohane, “Kuriukau hai owai, tanda pampenosoimimi dosami. Agaiana ina hawe hadua tauna au meliu kuasaNa hangko iriko. Mogalori mowosui peana kandupaNa, barana hintoto. Ia au ina moriukau hai Inao Malelaha hai api.

Ina hawe pehukuna Pue Ala! PehukuNa nodo owahe au masilolongami i patoa kau. Ope-ope kau au bara maroa wuana ina ratiwi hai ratende i lalu api.”

Yohane itimi au natunggai lolitana nabi Yesaya hangkoia au manguli node: “Ara tauna au monganga-nganga i pada wungi, nauli, ‘Ina hawe Pue! Nipasilolonga raraNa, Nipakanoto rara au ina Napoliungi.’ ”