Adnodau Beiblaidd Poblogaidd o Yɔhánɛsɛ 10

Rhanna

Muíbi a ndɔ ndasá ɔbánɔ́ ɔ uwoóbo, ɔ ɔwɔ́nɔ, na ɔ unímə́siə. Ɔwámɛ, mɛ ka ndasá ɔkɛaka ɔwá, bɛndɔ bá báá na buɔmɔ́, bá bámɛ́nɛ́ná na bɔɛ́ta ɔ ɔyáyɛ́na.

Mɛaŋɔ́á mɛ lɛ́á mɔtáta muɛsɛ. Mɔtáta muɛsɛ a lɛa ɛ́mɛ́nɛ́nátɔ́ ɔ ɔwayɛ́ buɔmɔ́ uwíndiə ɛlɔ́áyɛ́ yə́yíə́ ɛndɔ́mbá.

Yə́míə́ ɛndɔ́mbá yɛ́ ndɔ nɛ́ámɛ́á nióni ɔ́kɔ, mɛ ndɔ yiítə manya, yɛ́ ndɔ mɛaŋɔ́á ɔŋgɔ.

Ɔwámɛ, mɛ ndɔ yiítə buɔmɔ́ bɔ́ ikúílíə́kimə índiə, yɛ́ sa ndə́niminə, ata mɔndɔ a sa ósó ɔ yiítə ɔlalɔna ɔ ɔwámɛ mɔkátá.

Mɛaŋɔ́á mɛ lɛ́á hɛkɔ́kɛ: Wɛ́ɛ́yɛ́ ɔwá a ŋɔ fínə ɔ tɔ́mbákɛna ɔ ɔwámɛ, Huɛlɛ́ a ŋɔ wɛɛ́ya nuəkəniə, a ŋɔ fíə́kinə, a ŋɔ fámáka, a ŋɔ bɔ́labɔ́nɛ́á bɔ́ŋɔ.

Mɛaŋɔ́á mɛ lɛ́á mɔtáta muɛsɛ, mɛ ndɔ yə́míə́ ɛndɔ́mbá manya, yɛ́ ndɔ mɛaŋɔ́á manya tɔ́na

Yamɛ́á Isə́ ɔwá a ná mɛaŋɔ́á yiítə índíə́, a lɛa mɔŋɛ́ŋa yáyɛ́ná bikimə, ata mɔndɔ a lɛ bá na iŋgínə́ yɛ bɔɔ́la ɔwɔ́lɔ ɔ mɔkátá wɔ́ yamɛ́á Isə́. Na mɛaŋɔ́á na yamɛ́á Isə́, tɔ lɛa bɔkɔa bɔ́mɔtɛ́.»

ɛ́sɛ́á yamɛ́á Isə́ a ndɔ mɛaŋɔ́á manya, mɛ ndɔ yamɛ́á Isə́ manya tɔ́na. Mɛ ndɔ bɔ́ámɛ́á buɔmɔ́ índiə ɛlɔ́áyɛ́ yə́míə́ ɛndɔ́mbá.

Ata mɔndɔ a lɛ ndɔ bɔ́ámɛ́á buɔmɔ́ ɛta. Mba, mɛ ndɔ bɔ́ɛ́ta índiə na wə́míə́ uhikiə. Mɛ báka na kuənjə ɔ bɔ́ɛ́ta uwíndiə, mɛ báka na kuənjə tɔ́na ɔ bɔɛ́ta ɔwɛta. Ɔ́ umbə́ndə́ ɔwá yamɛ́á Isə́ a ná mɛaŋɔ́á índíə́.»

Yə́susu a ná híánɔ́lɔ́na ɔ bɛndɔ ɔ ɔlɛna a sɛ́á: «Ɛ́ɛ! Taká mɛ ndɔ bənú nɔ́yɛ́ lɛna, mɛaŋɔ́á mɛ lɛ́á hɛkɔ́kɛ hɛ́ yɛla yɛ́ ɛndɔ́mbá.

Mɔndɔ ɔwá a ndɔ nyɔɔ ɛlɔ́áyɛ́ mɔnɛ́á, a lɛ bá tiísi yɛ mɔtáta, tátá yə́yíə́ ɛndɔ́mbá. Ikúílí ɔyɛ́á a ná mɛkɔ yámá ɔ ɔsákɔna, a yiítə tíkə, a tɛbakɛna. Əlimə yɛ nɔ́yɛ́, mɛkɔ yɛ́ ɛndɔ́mbá halɛakɛna, hiɔ́bɔ hɛ́ sámbána.

Yə́susu a sɛ́á: «Ɛ́ɛ! Taká, mɛ ndɔ bənú nɔ́yɛ́ lɛna, wɛ́ɛ́yɛ́ ɔwá a sá fíninə ɔ hɛkɔ́kɛ hɛ́ yɛla yɛ́ ɛndɔ́mbá mbá a ndɔ ɛmbambala fɛ́njálana, mɔ́táyɛ́ a lɛa muíbi, mɔtɔnɛba tɔ́na.