Adnodau Beiblaidd Poblogaidd o Luuk 18

Rhanna

Ŋɩɩ nɛ Yesu bɩra magɛ namaga pɩba a dagɛba dɩ ba chʋchʋɔlɛ Wɩa bʋa na-kala lɛ a sɩ́ leŋ.

Ma saa bɩɩna Wɩa bɩ jaŋ pɛ nɩalɩŋ ʋ sɩ lɩɩsa lɛ dɩ ba laa kʋsɩŋŋaa, dɩ ba nɩɩ yel ʋ teeŋ wɩɩhɛyɛ arɩ tɩtaŋɩŋ kala? Ma bɩɩna ʋ jaŋ kɛmba kaa didieni aŋ vɩa dɩ ʋ pɛ ba lɛɛ. Mɩ jaŋ bʋla pɩma, ʋ jaŋ pɛ ba lɛ dɩ ba laa kʋsɩŋŋaa. Ʋ jaŋ ŋaa ŋɩɩ lɩma lɩma. Ama bʋa-la lɛ mɩ-na Nuhuobiine Bie sɩ jaŋ mɩɩra kɔ, mɩ jaŋ na nɩaa sɩ laamɛ dii dʋnɩa deeŋ lɛɛ?”

Ŋɩɩ nɛ Yesu bʋla pɩba, “Wɩɩ-la sɩ jaŋ kperi nuhuobiine, ʋ bɩ Wɩa wuo kperi.”

Bumbuŋ kala baal-la vɩa dɩ ʋ pɛ ʋ lɛ. Ama ʋ sɩ yie vɛnɛɛ kɔ ʋ teeŋ ŋɩɩ, ŋɩɩ nɛ baal-la bʋla pɩ ʋ tɩtɩa, “Mɩ paala bɩ Wɩa ka fá, mɩ bɩ nuhuobiinee ma kaa tɩtɩŋ. Ama yo-haala deeŋ sɩ vɛnɛɛ walɩmɛmɛ ŋɩɩ, mɩ jaŋ pɛ ʋ lɛ dɩ ʋ dii ʋ sarɩya. Ŋɩɩ dee ʋ ha jaŋ vɛnɛ wʋwalɩmɛmɛ dɩ mɩ lɔl.”

Ʋ bɩra bʋla pɩ nɩaa a bʋl, “Wʋtɩtɩɩ nɛ mɩ bʋlaa pɩma, nɩɩ-la kala sɩ bɩ Wɩa to a nagɛ hambie sɩ yie to ʋ nyɩmma arɩ ʋ naaŋ ŋɩɩ, ʋ bɩ jaŋ wuo jʋʋ Wɩa kuorii-la tʋɔŋ.”

Ba sɩ kɔ ŋɩɩ, ʋ bʋla pɩ ʋ harɩ-tooro-la, “Má leŋ dɩ hambiisi-la kɔ mɩ teeŋ, má sɩ́ ba kiru. Nɩalɩŋ sɩ jaŋ jʋʋ Wɩa kuorii-la tʋɔŋ nagɛ hambiisiŋ deemba nɛ.”

Ŋɩɩ nɛ Yesu bʋla pʋ, “Ŋ sɩaa jaŋ suri, ŋ sɩ laa Wɩa dii nɛ ŋaa ŋ duori.”

Ŋɩɩ nɛ Yesu pɩɛsʋ, “Bɛɛ nɛ tɩɩ ŋ yɩrɛmɛ kʋhɩa-zɔmʋŋ? Nʋʋkala bɩ zɔŋ see Wɩa.