Adnodau Beiblaidd Poblogaidd o WƖAA DƖ-SUOMUŊ 6

Rhanna

Ʋ tʋɔŋ chei arɩ ʋ sɩ ŋaa nuhuobiine ʋ hɛ dʋnɩa lɛ a ŋɩŋaa wʋbɔŋŋɔɔ. Wɩɩ-la wɩɩʋ woruŋ.

La TƖƖNA na ŋɩɩ nuhuobiine tʋɔŋ sɩ hɛyɛ dʋnɩa tʋɔŋ, ʋ tʋɔbɩɩnaa ma kala lɔrɛ bʋa na-kala.

Ama Wɩa tʋɔŋ tɔrɛ Nowa-na nyuŋ nɛ.

Ŋ-la nɛ Nowa fa nagɛ: Ʋ fa ŋaa tʋɔpʋl tɩɩna nɛ Wɩa teeŋ a bɩ wɩɩkala ma cheye ʋ nɩaa tʋɔŋ. Ʋ to Wɩa wombiiŋ nɛ woruŋ.

Ŋɩɩ nɛ La TƖƖNA bʋl, “Mɩ jaŋ chei kʋŋkala sɩ hɛ dʋnɩa lɛ a kɛŋ mɩɩsɩŋ, nuhuobiinee, pʋsʋŋ arɩ baga kɩaa, kɩalɩŋ sɩɩ tuuri tinteeŋ arɩ zaaraa, mɩ tʋɔŋ cheye nɛ mɩ sɩ ŋaaba.”

Baalaa sɩ kʋ pʋŋa yʋgɛ dʋnɩa lɛ, ba lʋl hantolibiisiŋ ma pɛ. Wɩa bii-baalaa na dɩ hantolibiisi-la zɔmɔ, ba jaa nɩalɩŋ ba sɩ cho. Ŋɩɩ nɛ La TƖƖNA bʋl, “Mɩ bɩ jaŋ leŋ dɩ mɩ Dɩma-la hɛ nuhuobiine lɛ deeŋ deeŋ. Ʋ yaraa wʋŋaalaa nɛ ʋ tuto. Ʋ jɩsɩŋ jaŋ ŋaa zɔlɔ arɩ mara.” Bʋa-la lɛ nɩwaayiilee fa hɛ dʋnɩa lɛ arɩ ŋɩɩ harɩŋ. Wɩa bii-baalaa kɛŋ nuhuobiinee toloo lʋl biiriŋ. Ba nɛ fa ŋaa nyuŋ tɩŋŋaa a kɛŋ yɩrɩŋ.

Ŋɩɩ nɛ Nowa ŋaa wɩalɩŋ kala Wɩa sɩ sɩ ʋ ŋaa.

Ŋɩɩ nɛ Wɩa bʋla pɩ Nowa, “Mɩ jaŋ kpʋ dʋnɩa nʋʋkala, bɛɛ wɩaa dʋnɩa suo nɛ arɩ ba wʋbɔŋŋɔɔ ŋaanɩŋ. Mɩ sɛnɛ jaŋ cheiba arɩ dʋnɩa kʋŋkala.

Ŋɩɩ wɩaa kɛŋ kanchal daaŋ kpaasɛ lɩɩŋ daboro dɩ ʋ ŋaa dɩa a kɛŋ tʋɔŋ kpaa dɩɩsɩŋ a kɛŋ keliŋ taarɛ ʋ tʋɔŋ arɩ harɩŋ kala dɩ lɩɩŋ sɩ́ jʋʋ.

Ʋ na dɩ dʋnɩa cheye nɛ, bɛɛ wɩaa nʋʋkala ka ŋaa wʋbɔŋŋɔɔ nɛ.

Pɛ kɛŋ kʋŋkala sɩɩ wiesu balɩa, bele arɩ nɩɩŋ kaa jʋʋ lɩɩŋ daboro-la dɩ ba sɩ́ sʋʋ.