Adnodau Beiblaidd Poblogaidd o Tɩntɩŋŋaa 2

Rhanna

Ŋɩɩ nɛ Pɩɩta bʋla pɩba, “Má bɩrɩma lɩɩ ma wʋbɔŋŋɔɔ lɛ, aŋ leŋ dɩ ba foma Wɩɩchʋɔlɛ lɩɩŋ Yesu Kirisito yɩrɩŋ lɛ, dɩ Wɩa joŋ ma wʋbɔŋŋɔɔ chɛma, aŋ joŋ ʋ Dɩŋ-zɔmʋŋ dii zile ma lɛ.

Ba joŋ ba nyuŋ kala hɛ wɩalɩŋ Yesu nanzɔɔba-la sɩɩ dagʋ lɛ arɩ sɩɩfɩɛsɩŋ a kɛŋ nii-bala. Ba kala hɔŋ a didii kʋdiile-la Yesu fa sɩ́ sɩ dɩ ba dii a liliisi ʋ wɩaa, aŋ pɛ gbaara chʋchʋɔlɛ Wɩa.

Ba sɩ togili nʋʋkala lɛ ŋɩɩ, Wɩa Dɩŋ-zɔmʋŋ hɛba kala lɛ, a pɩba doluŋ ba suomo bʋbʋl yikori dosunuŋ.

Goŋ kʋbala guu lɩɩ wɩa-nyuŋ kʋ tuu a nagɛ pel-duoŋ, a su dɩa-la tʋɔŋ ba fa sɩ hɔnɔ. Ŋɩɩ nɛ ba na kɩaa a nagɛ nyiŋ-gel-biisiŋ. Ba nagɩsɩŋ nagɛ nandelimee. Ba lɩɩ pɩsɛ. Nyiŋ-gel-bie kala togili nʋʋkala sɩ hɛ dɩa-la lɛ. Ba sɩ togili nʋʋkala lɛ ŋɩɩ, Wɩa Dɩŋ-zɔmʋŋ hɛba kala lɛ, a pɩba doluŋ ba suomo bʋbʋl yikori dosunuŋ.

Tapʋlɩɩ kala ba yie mʋ hilimi Wɩa dɩɩ-bal-la lɛ arɩ ba dɩɩsɩŋ ma lɛ, a kɛŋ tʋɔ-bala a didii kʋdiile-la Kirisito fa sɩ́ sɩ ba dii a liliisi ʋ wɩaa arɩ tʋɔtɔrʋŋ, a dɩdɛnnɛ Wɩa. Nɩaa ma kala bɩbɛsɛ ba lɛ. Tapʋlɩɩ-na kala La Tɩɩna yie laa nɩ-falaa ta nɛ, ba kʋʋ pɛ nɩalɩŋ sɩ laa Yesu wɩaa dii lɛ.

‘Wɩa bʋla, ŋ-la nɛ mɩ jaŋ ŋaa tapʋlaa dɩdɛrɩŋ: Mɩ jaŋ joŋ mɩ Dɩŋ-zɔmʋŋ hɛ nʋʋkala lɛ. Ma hambolibiisiŋ arɩ ma toloo jaŋ bʋl wɩaa mɩ Dɩŋ-zɔmʋŋ doluŋ lɛ. Ma bapʋɔsɩ-biisiŋ ma jaŋ nɩna wɩaa a nagɛ duosoo tʋɔŋ. Ma banɩhɩasɩŋ ma jaŋ duduosi duosoo.

Nɩalɩŋ kala sɩ laa wɩalɩŋ dii, ba kala kʋ hihilimi bʋa na-kala lɛ, ba kɩaa kala ma ŋaa kʋbala. Ba yie joŋ ba kɩaa ma yallɛ a kɛŋ moribie-la a kpɩkpaa dɔŋɔ, a magɛ ŋɩɩ nʋʋkala sɩɩ chɛ.

Nɩɩ-la kala sɩ yɩrɛ La Tɩɩna yɩrɩŋ, ʋ jaŋ laaʋ ta.’ ”

Wɩɩpɔsʋŋ jaŋ biri. Chɛnɛ ma jaŋ fɩɛsɛ a nagɛ chalɩŋ, ka dɩ La Tɩɩna tapʋl-bal-la ʋ sɩ jaŋ laa yɩrɩŋ-na yi.