Adnodau Beiblaidd Poblogaidd o Luk 12

Rhanna

Se ómine sọnị ọḅụkarakarama, anịatịḅị Tomoniḅọ Tọkụ Ḅe ómine Ò se ḅietọnka sịkị ḅụ Ò ḅoḅịa.”

Anịnakaraka ómine Oria Amanyanakiri mị gose kpalakpala se Ọ̀ mayema nwọse chụa ọ́ pịrịḅịa.”

Se Ori ọkwẹịnma mun, se ḍuko inimgba nwọ pịrịmẹ, “Ómine ọ́ ḅụ ọbị ye ḍikipụkọsoli ḅụ, anịatịḅị tomoniḅọ kọkọma ḍumo mị anị iniḅọ nyanaye ḅụ sẹrẹrẹkẹ, iniḅọ ngọ kọn la-ọkụ la-ọkụ sọnị.”

Anịatịḅị ị́ kuḅiemgbọlụ sịkịmamgba ị́ya ngọma sime nyọ ḅụ simeḅịa.”

Ọ́mịna ḅụ tụḅọ ineda boka kụra nwọse iniḅọ ḍumo ḅụ ḅarị ḅe, iniḅọ anị gose ḅalaḅalamẹ nwọḅẹ ye gose?

Anịsịkị Jizọs Ḅe nwọse ọḅụḍukoapụma ḅẹmẹ, “Anị gose à ḍuko ọ́ pịrịaḅẹ, na ómine ọ́ fị se ḍumoḅịa fịye gose ḅalaḅalama, anịkanịka oju ḅụ ọ́ chụaḅịa aye gose.

Ọ́mịna tịḅị inimema sọnị ini àrị kịẹnsam. Anịẹrẹchị ọ́ ḅalafama; ọ́ ḅakama yelatẹịn tọn-a tịḅịpẹlẹḍụẹịn nẹngịmẹ!

“Kala anana ogbo, ọ́ ḅalafama anịatịḅị anị ọ́mịna Ḍaḅe ḅụḅẹlẹmẹ Amanyanakiri mị nwọse ọ́ pịrị.

Tịḅịpẹlẹḍụẹịnma ḍiki: àrị chịnmgbọlụ ḍipikẹ, pịkị fịye sokukẹ, àrị fịye koko warị nyanakẹ; Tamụnọ Ḅe àrị kokoaḅẹ! Ómine opuma yelatẹịn fenima nẹngịmẹ!

“Anịẹrẹchị ómine opu koroma kọnma, sịkịmamgba ọ́ fịḅịaye na, ó ḅuḅịaye ma gose ọ́ ḅụḅalaḅala nyanama.

Tamụnọ Ḅe mị nweni ḍipika osueinma nwọ ḅirimaye-ẹ, mịmgba sime, ḅa ḅarị sime ẹka osueinma, ini se ye fọị fịnị ḅie dọkịmasinḅịaye ma. Ori anị ḅara mị nẹngịma ḅara nwọse ó ḅirimaẹka? Ọ́ nyana ḅereni boka la-ọkụ ḍiki!

Gbẹịn koromaye layelaye ini finji koromaḅịa, ḅọịye layelaye ini pịkị nwọ mịẹse ini anị nemiḅịa.