Adnodau Beiblaidd Poblogaidd o VPHAUNGC VYAUNGC 25

Rhanna

Yehowa rueq Rebeka muex ngoc, “M-wuk nuex miqphvnx phvnx nueyc httax yaq; Vdvmz dvmz rvlongx palx jix miqphvnx phvnx nueyc kuex mnoz rueq jawx shuiux. Phvnx shiz kuex vganc phvnx shiz htauk nuex muinz hungc vlaungc httaz hvlc; Vphuz kuex vnox waz nvrc waz muex yaungx tuex,” ngoz tueq jungx tueq.

Yaku muex ngoc, “Ngvy rvmc sac hvlc phejalx wvyshuiuz vshawx kuex ngaz phauk phaungx,” ngoz tueq thoz tueq. (Kvkhoc rvtueq piq kuex Edom ngoz tueq gvl tueq.)

Rebeka rueq vsuiuz vsaz lvp muq ningkhvnc nuex Esak rueq Yehowa kox wawc piq tvkoc suiuz vsaz thoz tueq. Yehowa rueq piq vjux thoz bomc kuex tay kuq vtueq, Rebeka kuex wvgvnz yaungx wvnc tueq.

Esaw rueq, “Ngaz pat wvnc vtaungx; pekhux muingc jungc kuex ngvy tvkoc yvmx vjux lac httax yaq nguinx? Lvmz laq shuiuz!” ngoz kuq tueq. Yaku rueq, “Kvkhoc ngoz ruiux kuex pekhux muingc jungc ngaz muex kuy tvkoc kungkhux kvtuemc kuiuz,” ngoz tueq tvralc tueq. Esaw kvtuemc vtueq piq pekhux muingc jungc kuex Yaku muex kuq gay tueq.

Yix wawc jix saz rueq Esaw yaz htuimx kuex phaungx duing shuimx iruiux jawx tueq ningkhvnc nuex Yaku ngoz tueq muingc tueq. Vsaz nueyc jawx tueq kvkaq Esak kuex rullungx wawc rok tvruk shex rvtueq.

Esak rueq Esaw kuex lungwawx yaq, yvmx khoc lac ngoz ruiux lec Esaw rueq ngvmx thvt shuex wawc ngvmx kuex phauk vtueq vthuinz hvlx yaq, yuq muinz Rebeka rueq Yaku kuex lungwawx yaq.