Adnodau Beiblaidd Poblogaidd o Luka 14

Rhanna

“Kap njif nu̱ ɗa ɓa ki sha, yang nu̱ ndola nga tu̱ duk zhin ndu̱ man, ndu̱ nokhzan, ndu̱ qusonggi ɓaran ndu̱ khachinkirku ɓaran ɓa ndu̱ aa nyifi ɓaran ɓa, ɓu̱ kha ma nu̱ mbuuri nga ɓa.

Wanang tu̱k njif nu̱ke nu̱ da qu̱far kaatli ɗyinan (nang ke zar bonye) tu̱ mbuuri nga su̱ ɓa, ɓu̱ kha ma nu̱ mbuuri nga ɓa.

Ku̱me kap njif nu̱ daki ɗyinang ma ɗyi ngguri, ka gaɓ ndu̱ chin ma aa nu̱m ɓa, yang njif nu̱ kataki ɗyinan nu̱gha ka gwa gorkiri.”

Wanang tu̱k, njif nu̱ke nu̱ njig ɗyi nu̱ke a kha nda kap ɓa, ɓu̱ kha ma nu̱ mbuuri nga ɓa.

“Woɗye nduk a nje chele ɓaanu nu̱ke ka nggaki su̱ du̱n rafti ɓaran waare khar gha tu̱ shi kwaari ɗyine mu̱zhindi nu̱ke chin ka saghaki nu̱ ɗyine du̱ndan ma yir ve lauɗarsan mu? Ai mbu̱ nu̱ shi kwaari ɗyinan ɓa, ka nggaasi sa saari du̱ndang nu̱gha ɗawar ɗo, yang ɓu̱ ɗu̱ma kwataran ɓa, yang nduki nu̱ naki du̱ndang ka mu̱si nda. Ka zu̱ ku za njif nang wa nggaasi du̱ndi yang wa ku̱na kwataran.

Yang mbu̱ ta ma qa tabar zu̱mndi, to qa nu̱ nungndiku, ndu̱ zu̱ɓtiku ndu̱ nu̱ zurɗarku ndu̱ pugumku. Mbu̱ ta shi wanang to ka gwa barka, ku̱me nduki nang ɓu̱ ɗu̱ma ɓi ro ɓa, yang Magham ɗyenda ka ɓa ɓiiki ro fu̱ɗar wuri, nang ke fu̱ɗar nu̱ke Magham ka nakhaki nduki nu̱ jeembu ku mbe mu̱ti.”

“Dleeru ɗya ɗyi mbarkandi, yang mbu̱ wa shakh ndu̱ mu̱ndi ɓaran, nduk ka gaɓ ndu̱ mu̱ndi ɓaran kikimnda? Ɓu̱ shi boota mbu̱ dam ɓa, yang ɓu̱ kha ma bu̱ri zum ɓa, buka ku̱ wos gha. “Nu̱ dar mbu̱ ɓala ku̱ da mban.”