Adnodau Beiblaidd Poblogaidd o John 12

Rhanna

Onka rakeriȣaȣase raknonteratie ki, nok tsinonȣe nenkeseke etho oni nehne enreseke nakennhatsera, nok nenhakeriȣaȣase enhokonnienste ne Rakeniha.

Onka ranoronkȣa tsi ronnhe, enhotonse; nok ne iah tehononste tsi ronnhe ne kentho onȣentsiake, neh enhahaȣake tsiniienhenȣe! iah oni takariȣentane.

Oriȣiio akȣa oriȣiio tsi kȣarori: Onatsia kanen onȣentsiake enhiakoti, neiah tenkenheionsere enskat ki ok tsi enkaientake; nok nenkenheie, esoki enkanenhonten.

Neh keniente tsi ȣako nonȣentsiake, ne taksȣathete, nene tosa taontaiakokarasseke tsiniiakon entiaketakȣe niihne.

Nok nonka kiok enhionkeȣennaronke, nok iah taontaiaketakȣe iah ki tatakheiatorete: Aseken iah ki neh tekeniente ne takheiatorete nonkȣe, neok tanon nʼakheniakente.

Nok ethone nʼOnȣari niiahateȣakȣe nakȣa ihken ȣenhieniio oni ȣenhienanoron nok Iesos rasike tonȣeron nok ok neh nahononkȣis tontakarakeȣate, nok akȣa ȣakanonsine tsini ȣenhienakon.

Ȣahatikȣiriake ne teioteneratakȣenonni nok ontenenratenti ȣathonȣateratane nok tehotihenretane rontonne: Hosanna! Ahonȣanenton ne Israerronon Ronȣanontiio, nehne Raosennakon ne Raȣenniio tahoientakonhatie.

Tontahenron ne Iesos tsi tontasakoȣennaȣeron: Onen iakaheȣe nahasennoȣannha nʼOnkȣe Roienha.