Adnodau Beiblaidd Poblogaidd o Mataayo 7

Rhanna

“Doovagi kwa Ngʉlʉve, pwʉ ʉmwene jiikʉvapa. Londagi, pwʉ jʉmukʉsivona. Dɨndʉtsaagi, pwʉ ʉNgʉlʉve jiikʉvadɨndʉlɨla ʉndyango

manya ʉmuunu ʉvaveetsaga ʉvidoova, ʉNgʉlʉve ikʉmpa, ʉvilonda, ʉNgʉlʉve ikʉmbonia nʉ vɨ idɨndʉtsa, ʉNgʉlʉve ikʉnʼdɨndʉlɨla ʉndyango.

“Pwʉ lɨno ʉmuunu ʉvaveetsaga ʉvɨ ipʉlɨka amamenyu gango nʉ kʉgavombela, alaava ndʉ muunu ʉnya lʉhala ʉvɨ aatsengile ɨnyumba jya mwene pa lʉnalaawe.

“Pwʉ muvavombelage avaanu avange ndʉwʉ najyʉnyie munogwa ʉkʉvombelwa, manya ago gwʉ geene vʉganulu wa ndagɨlo tsa Moose ni manyiiso tsa vanyamalago.

Apeene ʉndyango insinye, najɨ nzɨla sinye ɨjilotsa kʉ wʉʉmi wa sikutsooni, nava vaanu vadebe avikʉjɨvona.

“Ingilagi ʉndyango ʉnsinye ʉlwakʉva ʉndyango ʉmbaha gulotsa kʉ lwongometso, najɨ nzɨla ɨjilotsa ʉkʉ mbaha siitso. Ikange, avaanu wʉ vongosu avikwingilila ʉndyango ʉgwa.

Ɨngave ʉnyie nyɨ vagalo, mulʉmanyile ʉkʉvapa avaana viinyo isiinu isinonu, ndeeti, ʉDadajiinyo va kʉkyanya nakalʉtɨɨlɨle ʉkʉvapa isiinu isinonu vooni avikʉnʼdoova?

“Kwʉ baako ʉkʉvahɨga avange, pwʉ najyʉnyie namulaahɨgwe, manya ʉmwʉ muhɨgɨla avaanu avange, muumwa mwʉ ʉNgʉlʉve alavahɨgɨla najyʉnyie, nɨ kɨgelelo ɨkyʉ mukʉvagelela avange, kɨɨkyo kyʉ ʉNgʉlʉve alavagelela najyʉnyie.

Ʉmuunu ʉvaveetsaga ʉvɨ ipʉlɨka amamenyu gango aga, lɨno nikʉgavombela, ʉjwa alɨ ndʉ muunu ʉmpelwa ʉvɨ aatsengile ɨnyumba jya mwene pa ndivila.

“Kɨki vutsingahɨtsa akabandʉkɨlo ka libɨkɨ akalɨ mu liiho lya nnino, wileka ʉkʉlola ʉlʉvale lwa libɨkɨ ʉlʉlɨ mu liiho lyako? Ikange, vuweesa ndeeti ʉkʉmbʉʉla ʉnnino ʉkʉta, ‘Itsaga ndɨkʉhetse akabandʉkɨlo ka libɨkɨ akalɨ mu liiho lyako,’ wʉ mu liiho lyako mulɨ lʉvale lwa libɨkɨ?

“Ikange, muveetsage miiho na vanyamalago va vʉnuasi, manya ʉnsɨkɨ vikʉviitsila, vikɨvɨɨka ndi ngʼolo. Hʉmbe mu nʼgati ngʼekeeva. Avo mukʉvamanyaga mu seke tsa veene, manya avaanu navitʉngʼula iseke tsa mizabibu mu mitwinyo. Ikange, navitʉngʼula iseke itsa nkʉjʉ mu mitigalɨtsi.

Kwʉ kʉta ʉmʼbɨkɨ ʉgʉveetsaga ʉnnonu guhʉʉpa iseke inonu, nagwene ʉmʼbɨkɨ ʉgʉveetsaga ʉmbiivi guhʉʉpa iseke imbiivi.

Nagʉkʉli ʉmʼbɨkɨ ʉnnonu ʉguhʉʉpa iseke imbiivi, pange ʉmʼbɨkɨ ʉmbiivi ʉguhʉʉpa iseke inonu.

Kwʉ kʉta ʉmʼbɨkɨ ʉgʉveetsaga ʉgʉnaguhʉʉpa iseke inonu, gudumulwa nʉ kʉtaagwa mu mwoto.