Adnodau Beiblaidd Poblogaidd o Genesis 9

Rhanna

Q'uelela i yejtal xuc'ul bʌ c t'an mu' bʌ c wa'chocon yic'otetla yic'ot pejtel cuxul tac bʌ am bʌ la' wic'ot, yic'ot pejtel cuxulo' bʌ mu' bʌ caj i tilelob. Mi cʌc' t'oxja' ti tocal. I yejtalʌch jini xuc'ul bʌ c t'an mu' bʌ cʌq'ueñob jini año' bʌ ti pañimil.

Mi caj i tilel t'oxja' ti tocal. Mi caj j q'uel joñon cha'an mic ña'tan xuc'ul bʌ c t'an tsa' bʌ cʌq'ueyob pejtelel cuxul tac bʌ am bʌ ti pañimil, che'en Dios.

Majqui jach mi' bec'ben i ch'ich'el winic, mi caj i tsʌnsʌntel ja'el, come Dios tsi' mele winic ti' yejtal.

Dios tsi' yʌq'ue i yutslel i t'an Noé yic'ot i yalobilob. Tsi' subeyob: Yom tilic cabʌl la' p'olbal. Yom mi la' p'ojlel. But'ula jini pañimil.

I bʌlʌch la' ñʌc' pejtel cuxul tac bʌ mu' bʌ ti xʌmbal. Che' bajche' tsa cʌq'ueyetla pimel yic'ot yambʌ i wut lum, mi cʌq'ueñetla pejtel chuqui tac an.

Mi caj i bʌc'ñañetla pejtel bʌte'el ti pañimil yic'ot pejtel mut, yic'ot pejtel jʌlʌcña bʌ mi' majlel ti lum, yic'ot chʌy. Ti pejtelel mi cʌq'ueñetla ti la' wenta.

Yom mi la' p'ojlel jatetla. La' p'ojlic la' walobilob. La' bujt'ic pañimil ti winicob, che'en.