Adnodau Beiblaidd Poblogaidd o GENESIS 22

Rhanna

Ket ni Abraham pinanagananna daydiay a disso iti Jehova-jireh: a cas masansan a masasao agpapan ita, Iti bantay ni Jehova sisasagananto.

Ket kinunana, Alaem ita ti anacmo, ti anacmo a bugbugtong, nga dongdongoen, a ni Isaac, ket inca iti daga ti Moria; ket isu idatagmo idiay nga maysa a daton a mapuuran, iti rabaw ti maysa cadagiti banbantay nga ibagacto kenca.

Ket isu kinunana, Saanmo nga idisso ta imam iti ubing, ket uray ania dica aramiden kencuana; ta ita mabigbigco a mabutengca iti Dios, yantangay dica impaidam caniac ti anacmo, ti bugbugtong nga anacmo.

Ket ni Abraham, kinunana, Ti Dios mangisagananto iti cordero a maipaay kencuana a daton a mapuuran, anacco: iti casta napanda a dua a nagcuyog.

Iti panangbendicion bendicionancanto, ket iti pammaadu, paaduecto ti putotmo cas cadagiti bitbitwen ti langit, ken cas iti darat nga adda iti igid ti baybay; ket ti putotmo cucuananto dagiti ruangan dagiti cabusorna; Ket iti putotmo mabendicionanto isu-amin dagiti nasnacion ti daga; agsipud ta tinungpalmo ti timecco.

Ket naaramid, calpasan dagitoy a banbanag, a ni Jehova sinuutna ni Abraham, ket kinunana kencuana, Abraham; ket isu simmungbat, Adtoyac.

Ket ti angel ni Jehova pinuccawanna nanipud langit, ket kinunana, Abraham, Abraham: ket isu simmungbat, Adtoyac.

Ket ti angel ni Jehova inayabanna ni Abraham ti capaminduana nanipud langit, Ket kinunana, Gapu caniac met laeng sinapataac, kinuna ni Jehova, a gapu ta inaramidmo daytoy, ket dica inkedked ti anacmo, ti bugbugtong nga anacmo

Ket nacadanonda iti disso nga imbaga ti Dios kencuana ket ni Abraham binangonna idiay ti maysa nga altar, ket inurnosna ti cayo, ket rineppetna ni Isaac nga anacna, ket imparabawna iti altar, iti rabaw ti cayo.