Adnodau Beiblaidd Poblogaidd o GENESIS 15

Rhanna

Ket pinatina ni Jehova ket daytoy imbilangna kencuana a kinalinteg.

Calpasan dagitoy a banbanag immay ti sao ni Jehova ken Abram iti maysa a parparmata, a kinunana, Dica agbuteng, Abram: siac ti calasagmo ken ti gungonam a nawadwad unay.

Ket impanna iti ruar, ket kinunana, Kitaem ita ti langit, ket bilangem dagiti bitbitwen, no mabalinmo a bilangen: ket kinunana kencuana, Castanto dagiti putotmo.

Ket, adtoy, ti sao ni Jehova immay kencuana a cunana, daytoy a lalaki saanto nga agtawid kenca; no di ket ti agtaudto iti unegmo isu ti agtawidto kenca.

Ket kinunana ken Abram, Pudno nga ammom a dagiti putotmo aggangannaetdanto iti daga a dida cucua, ket agservidanto cadacuada; ket parigatendanto ida cadagiti uppat a gasut a tawtawen

Ket ni Abram kinunana, O Apo Jehova, ania ti itdemto caniac, idinto a siac aglabasac nga awan anacco, ket ti agtagicuanto iti balayco isu ni Eliezer a taga Damasco?

Iti daydiay nga aldaw inaramid ni Jehova ti maysa a tulag ken Abram a cunana, Iti putotmo intedcon daytoy a daga manipud iti carayan ti Egipto, inggana iti carayan a dackel, ti carayan nga Eufrates

Ket iti maicappat a caputotan, agsublidanto ditoy: gapu ta saan pay a napno ti kinadakes ti Amorreo.