Adnodau Beiblaidd Poblogaidd o LUCAS 11

Rhanna

Niźaśa anćhukki, ñexwćhukćha anćhuka okhalaź mayan śuma ćhhultaqinakaqaś thäyinćhukćha, ¡Ućhum tsewkta Yöś Ephki tshallanti thäsaćha ni Espíritu Santu ni mayñi źoñinakźkiśiki!”

Niźtikiśtan werhki khiwćha: Yöśkiśtan maya, Yöśki thäkićha; niźaśa xalla ni qhurñiki waćhakićha; niźaśa anćhukkiź toxtoxa neqhśtan tsewkta śanaki khetsnakićha.

Xalla nuź mayñiki tanźnakićha; niźaśa nuź qhurñiki waćhakićha; niźaśa ni śankiś toxtoxñi źoñźtaki ni tsewkta śanaki khetźintaź khekićha.

Jesusaki ninakźkiś khichićha: –Xalla ni mayiśikan tuź chiyakićha: ‘Yöś tata, amki tsewkta yoqkin źelhćha, niźaśa am thüki alt'itax khila. Niźaśa am irpiś wathax thonlalla. Am quśkama pälla ni tsewkta yoqkin, niźaśa ti yoqkiś.

Wethnaka ujkiśtanź pertunalla, niźaśa werhnakki thappacha wethnakatan ana wali päñinakźkiś pertunućha. Niźaśa anaź werhnak ujkiś thxotsqatalla, niźaśa wethnaka ujkiśtan liwriyalla.’

Niźaśa wethnakata śapuru lulhś t'anta töx thuñi thäźkalla.

Anćhuka źhukiki xañchiź michaćha; niźaśa am źhukiki śumaźlax nïki thappacha am xañchiki qhanaź khekićha; niźaśa anćhuk ñexwćhukźlax nïki, anćhuka xañchiki ni sumchi laqhkiś khekićha.

“Anaź jëkhmi micha thesnasaćha tshi śhoxśak yoqkiś, ana kajun qhulltanami, micha tewśkiśpanź nonźnasaćha xalla ni luśhñi źoñinaka qhana cheraxu.