Adnodau Beiblaidd Poblogaidd o Maraku 13

Rhanna

Zang piti, ri ti naa bɛ̃ɛ nɔɔ ditɔ ka ruu mɛɛ, shɔnzang ɓɔɔ mã danggn sasak wukɔ naa wɔrɛ.

Nɔɔ palɛ tɔ̃ɔ, nɔɔ gãng jĩng kagn. Ka ruu ɓɔɔ, nɔɔ zi diki kaɓa kpang ɓɛɛ.

Zang nɛɛ atɛ nɔɔ tɔ ka nɔng ɓɔɔ zang jɛ̃ɛ zang ruu, nɔɔ rɛ̃rɛ vuu ɓɔɔ nɔɔ naa kɔɔ zang ɓɛɛ kpang. Zang nɛɛ hɛ̃ɛ nɔɔ tɔ, nɔɔ kɔɔ zang vuu ɓɔɔ Laa a nɔɔ ɓɛɛ, ka ruu ɓɔɔ, ɓi nɔkɔ rang yee kpang, ɓi Suru Laa rang nɛɛ nyaa manɛ ɓɛɛ.

Lapa nɛɛ tipi ri naa shaarɛ ditɔ, ruu mɛɛ shaarɛ ɓi kpang.

“Zang ɓɔɔ zi diki nɛɛ laa ɓɔɔ n gbãayu kagn gbete kpang. Zang nyaa shonang Kpanti Laa ɓɔɔ ka lapa, nɛɛ ɓɔɔ n Jaa Laa piti, ruu zi kpang, Kpanti Laa kɔ zi gbete.

Nɔɔ nɛɛ tãayi zang nɛɛ kɔɔrɔ nɛɛ zang takɛ sĩiri ka nɔng naabm, nɛɛ ruu sĩiri ɓɔɔ zang ta kpala kpala, bii wu sɔɔ nɔɔ kpang. Vuu keɓe naa palɛ ɓi ditɔ, ɓi gn diki ɓɔɔ koo waa nyaa ɓɛɛ kpang.

Gãng jĩng kagn, ka ruu ɓɔɔ, mɔɔ zi diki ɓɔɔ yɔɔ gãa naa gbãayu kagn kpang ɓɛɛ. A nɛɛ laarang ya, nɛɛ teteng gãmbang ya, kɔ naa ɓɔɔ kn gaayu nyaa ɓaanang ya, kɔ nɛɛ gãndi zang zang ya, nɔɔ zi kpang. Naa yɔɔ nwang nyaa wɔɔli, wu naa ĩi nɔɔ, nɔɔ roo katɔ kpang. Vuu kɔ n kɔɔ ɓee, n kɔɔ zang piti. Nɔɔ shing jĩng kagn tɔ̃ɔ.”

Zang tipi ɓɔɔgn ri naa gaa nyaa ditɔ nɛɛ zang tipi ɓɔɔgn. Kpanti ɓɔɔgn, wu ti naa gaa nyaa nɛɛ kpanti ɓɔɔgn. Tipi naa ruutu ditɔ ka tipi koolaa dɔɔli, nyɔkɔ ti naa nwang ditɔ. Vuu keɓe ɓi doo jĩng dannang gaayu, naa ɓɔɔ jaa gaa zang yuu kɔnang ɓɛɛ.

Zang naa rǎng zang ɓɔɔ ka rɛɛ tipi ɓɔɔ ka koo keɓe Ruu Tɔ̃ɔ Laa ditɔ gbongkarɛ nandon, tɔ̀ɔ, koo wu naa waa nyaa kati.

Zang dɔɔli naa a ditɔ nɛɛ nung mɛɛ, ri naa kɔɔyi nɛɛ “Rikɔ zang ɓɔɔ naa a ɓɛɛ” Ri nwãarɛ zang dɔɔli.

Nɔɔ shing yuu manɛ tɔ̃ɔ tɔ̃ɔ, ka ruu ɓɔɔ, zang naa a nɔɔ zang ɓɔɔ ri jɛ̃ɛ ruu ditɔ ɓɛɛ. Zang naa nyɔ nɔɔ ditɔ ka gãa zɔɔ kpalɛnang zang Yahudi. Zang naa atɛ nɔɔ ditɔ ka tĩng rɛɛ gɔmna nɛɛ rɛɛ kpanti ka ruu mɛɛ, tɔ̀ɔ, nɔ́ɔ kɔɔ ri Ruu Laa kati.

Ka ruu ɓɔɔ, zang ɓɔɔ ri naa ɓaa yuu ɓarɛ nɛɛ Kirisi, nɛɛ zang ɓɔɔ ri naa suu sèé nɛɛ ri zang nyaa shonang Laa, naa alɛ ditɔ. Ri naa tusu vuu bang bang, ɓɔɔ zang zirɛ zang mã naa ka danggn, nɛɛ tɔ̀ɔ ri nwãarɛ zang kati. Naa ri nɛɛ zunung zang ɓɔɔ Laa shɛ̃ɛrɛ ri nwãarɛnang katɔ, ri nɛ̀ɛ́ nwãarɛ ri katɔ.

“Jĩng dannang kaɓa nɛɛ waa nyaa tɔ, laa kɔ ruu zi ka lapa ɓee, naa tɔ̀ɔ́ katɔ. Shala ti naa yakɛ nɔng takpang. Sang ri ti naa shili nɛɛ lapa. Vuu piti ɓɔɔ ka lapa ti naa rùutú katɔ.