Adnodau Beiblaidd Poblogaidd o Luka 8

Rhanna

Jĩng vuu ɓɔɔ ri shili ka tipi tɔ̃ɔ, nwang kaa naa zang ɓɔɔ tãa Ruu Laa ɓɛɛ. Ri tarɛ, ri shing ka yeti ɓarɛ, ri mã danggn, a ri naa nwang kaa naa jĩng vuu ɓɔɔ bangnɛ ra jaa gaagaa ɓɛɛ.

Jĩng vuu ɓɔɔ ri shili ka teteng kɔkɔ, ri nwang naa zang ɓɔɔ ri tãa Ruu Laa ɓɛɛ. Ri dũng kana, a rɛ̃rɛnang ka yuu vuu ɓɔɔ ka koo keɓe, nɛɛ vuu naa kasɛnang naa mulu Ruu Laa ɓɔɔ ri tãayi. A Ruu Laa ɓɔɔ ri tãayi nwang ri vuu ɓɔɔ kaa takpang.

Jĩng vuu ɓɔɔ shili ka yuu tipi pɛngkɛ, nwang naa zang ɓɔɔ ri tãa Ruu Laa, a ri ta nɛɛ yeti gbete ɓɛɛ. A ri nwang ɓarɛ naa jĩng vuu ɓɔɔ ɓaa dĩiri tɔ̃ɔ tɔ̃ɔ kpang ɓɛɛ. Ri shing danggn ɓarɛ ka naa lapa kɔ shɛ̃ɛning. Ri yaa gbalang Laa ka diki ɓɔɔ zang gãsɛ danggn ɓarɛ ɓɔɔ ri shing ka bii Laa ɓɛɛ.

Yeesɔ hɛ̃ɛ zang ɓɔɔ ri mantɛ vuu ka bii ɓiɓɛ tɔɔ, “Danggn ɓɔɔ nɔɔ shing ka bii mɛɛ kaa kiya?” Ri kaa vɔrɔ, ri ti mã naa ka danggn. Ri hɛ̃ɛlɛ zɔɔ ka naa ɓarɛ tɔɔ, “Wee ɓi lɛ̀ɛ́ zang viya? Jasung nɛɛ mii, ri ɓaa shoo ka nyaa ɓiɓɛ wiya?”

Jĩng vuu ɓɔɔ shili ka gbalang nwang ɓi kaa naa zang ɓɔɔ ri tãa ruu Kpanti Laa a Sheetang kpanti suru shi kpang, arɛ naa zɔ̃ng Ruu Laa ɓɔɔ ri tãa ɓɛɛ, nɛɛ ka ruu ɓɔɔ ri nɛɛ shing danggn ka bii Laa, ri walɛ suru bii ɓɔɔ waa nyaa kpang ɓɛɛ.

“Vuu ɓɔɔ zang waasɛ katɔ ɓɔɔ Laa naa nwangsɛ kpang, ɓi kagn kpang. Vuu ɓɔɔ zang ti zi kpang, Laa naa nwangsɛ ditɔ, zang zirɛ.

A jaa soro ɓɔɔ lee Yeesɔ naa ka bii, zi tɔ nɛɛ zang zi vuu ɓɔɔ wu palɛ tɔ, a arɛ, bii zaa wu kana, a naa tang ka tĩng Yeesɔ. A kɔɔ vuu ɓɔɔ palɛ, wu lee Yeesɔ naa ka bii ɓɛɛ, ka shoo zang nandon nɛɛ naa ɓɔɔ zĩi dɔng kaa tantɛnang ɓɛɛ. A Yeesɔ kɔɔ jaa soro kaɓa tɔɔ, “Man jaa, danggn ɓɔɔ mɔɔ shing ka bii mɛɛ masɛ mɔɔ tɔ, daa waasɛ̃.”

a zang ɓɔɔ ri mantɛ vuu ka bii Yeesɔ, ri daa hingsi wu. Ri tɔɔ, “Dabang Dabang, ruu ɔ̃ɔ kana.” A Yeesɔ seepaa mangkɛ jasung nɛɛ mii ɓɔɔ ri gɔnsɔ zɔɔ ɓɛɛ. A mii kàa kati, jasung ti voo nyaa kaa jong.