Adnodau Beiblaidd Poblogaidd o Luka 12

Rhanna

Nɔɔ kpalɛ bii nɔngkɔ doori, ka ruu ɓɔɔ, Jaa Shɔnzang a ka laa ɓɔɔ nɔɔ shing gn nɛɛ wu a kpang ɓɛɛ.”

Nɔɔ shíng danggn ka kpanti ɓɔɔ Laa roo ɓɛɛ kɔ jong. A nɔɔ vuu keɓe ditɔ kagn nandon.

A kɔɔ zang ɓɔɔ ri kpalɛ zɔɔ nandon tɔɔ, “Nɔɔ palɛ tɔ̃ɔ, nɔɔ gãng jĩng, ka jĩng shinnang ka vuu naa ning. Ka ruu ɓɔɔ, zang gãsɛ suru bii shɔnzang nɛɛ vuu naa ɓiɓɛ ɓɔɔ gaagaa kpang ɓɛɛ.”

Ka ruu ɓɔɔ, shɔnzang shing gn ɓi doo ka nɔng ɓɔɔ wu kpalɛ vuu ɓiɓɛ kagn kɔ doori ɓɛɛ.

Zang ɓɔɔ kagn teteng manɛ ɓɔɔ zunung ɓɔɔ wu gisi yuu ɓiɓɛ diki katɔ ka ruu rɛ̃rɛnang ɓɔɔ wu rɛ̃rɛ ɓɛɛ ya?

A Yeesɔ kɔɔ zang ɓɔɔ ri mantɛ vuu ka bii ɓiɓɛ tɔɔ, “Ka ruu nɔngkɔ, n kɔɔ nɔɔ, nɔ́ɔ nyɔ yuu manɛ nɛɛ rɛ̃rɛnang, ka ruu vuu ɓɔɔ nɔɔ naa shaayi, nɛɛ ruu fɔ̃ɔrɔ ɓɔɔ nɔɔ hãa ka bii ɓɛɛ kpang.

Nɔɔ zi kpang ya? Naa doo suuyuu ɓɔɔ ka yuu manɛ ɓɛɛ, Laa gã katɔ nandon. Nɔɔ kaa vɔrɔ kpang, nɔɔ ɓa tɔkɔsisi katɔ.

“Wee nɔɔ rukutu ɓee, nɔ́ɔ kaa vɔrɔ kpang, Daa manɛ kasɛ tɔ nɛɛ nɔɔ roo kpanti nɛɛ wu ka nɔng ɓɔɔ wu naa roo kpanti ɓɛɛ.

Nɔɔ zi rɛɛ gãgãa karɛ. Ri lang jaa kpang, ri ti yee zee jong kpang. Gòoto vuu tɛ̃ɛnang ɓarɛ ɓi kagn nɛɛ bɔ̃nɔ kpang. Laa a ri vuu shaanang katɔ. Nɔɔ ɓaa jaaning katɔ.

“Nɔ́ɔ nyɔ yuu manɛ nɛɛ nɔɔ rɛ̃rɛ ka ruu vuu ɓɔɔ nɔɔ shaayi, nɛɛ vuu ɓɔɔ nɔɔ ɓoo ɓɛɛ kpang.

Laa nɛɛ gbarɛ wisi kɔ zang zi lɛɛkɔ, ɓuru zang dɔɔ kaa nɛɛ waa ɓee, a nɔɔ fɔ̃ɔrɔ ɓɔɔ nɔɔ hãa ka bii ɓɛɛ kpang ya? Nɔɔ shing danggn ka bii Laa kpang ka ruu viya?

Vuu ɓɔɔ zang kɔɔ nɛɛ nwĩiri ɓɔɔ Laa naa nwangsɛ kpang, ɓi kagn kpang. Vuu ɓɔɔ zang waasɛ katɔ, ɓɔɔ Laa naa nwangsɛ kpang, ɓi kagn kpang.