Adnodau Beiblaidd Poblogaidd o Luka 10

Rhanna

Nɔɔ zirɛ n a nɔɔ naa tɔ, nɔɔ ra ka yuu sɔkɔ nɛɛ gbuuri. Nɔɔ ti ɓa zang ɓɔɔ shing jĩng nɛɛ zang kpang yuu katɔ. Vuu ɓɔɔ kpaa nɔɔ naa ka bii kpang.

A Yeesɔ kasɛ wu nyaa tɔɔ, “Mata, mɔɔ rɛ̃rɛ, a bii ti nwãa mɔɔ ka ruu vuu dɔɔli. Vuu ɓɔɔ zang kasɛ ɓi gbete kɔ nwani. Marayamu ya ɓɔɔ tɔ̃ɔ ɓi tɔ. Zang ɓɔɔ ta kagn nɛɛ naa ɓiɓɛ tɔkn kpang.”

Kasɛ Yeesɔ nyaa tɔɔ, “Labeenang Laa tɔɔ, ‘Zang wu kasɛ Kpanti Laa ɓɔɔ wukɔ Kpanti zang nɛɛ yeti gbete, nɛɛ suru bii zang piti, nɛɛ kaka zang piti, nɛɛ rɛ̃rɛnang zang piti.’ Nɛɛ ‘Zang ti kasɛ ruu ɓeezung doo naa ɓɔɔ zang kasɛ bii zang ɓɛɛ kɔ.’ ”

A kɔɔ ri tɔɔ, “Zee daa naa yeenang tɔ, a zang yeenang haa kaa takpang. Nɔɔ gaa Kpanti Laa ɓɔɔ wukɔ zang jaa ɓɛɛ ta, wu shong zang zee yeenang ka jaa ɓiɓɛ.

A Yeesɔ hɛ̃ɛ yɔɔ ɓɔɔ zi labeenang Laa dɔɔli kaɓa tɔɔ, “Ɓu wi ka teteng zang taati kaɓa ɓɔɔ tusu nɛɛ wukɔ ɓeezung yɔɔ ɓɔɔ zang ɓɔɔ ri ta zang vuu nɛɛ ɓangge ri nyɔ wu ka gbalang kaɓa wiya?” A yɔɔ ɓɔɔ zi labeenang Laa dɔɔli kasɛ wu nyaa tɔɔ, “Yɔɔ Samariya ɓɔɔgn yɔɔ kɔng wu ɓɛɛ.” A Yeesɔ risi nyaa kɔɔ wu tɔɔ, “Dita mɔɔ daa palɛ jong naa yɔɔ Samariya kaɓa.”

Nɔɔ dita, n shong nɔɔ naa mɛ̀ɛrɛ́ ka teteng zaa wisi.