Adnodau Beiblaidd Poblogaidd o Yɔhana 16

Rhanna

N kɔɔ nɔɔ vuu keɓe, nɛɛ nɔɔ nwáng nɛɛ n, tɔɔ, nɔɔ nwáng kaa waasɛ̃. Nɔɔ dang jĩng katɔ ka koo keɓe. Nɔ́ɔ mã danggn kagn, n ɓá vuu ɓɔɔ ka koo keɓe yuu tɔ.”

Suru keɓe ɓɔɔ wukɔ tusu zang ruu ɓɔɔ niizang ka yuu Laa nɛɛ a tɔ, naa shing nɔɔ, nɔɔ zi vuu ɓɔɔ niizang ɓɛɛ. Rang yee nɛɛ yuu ɓiɓɛ kpang, kɔ̀ɔ́ vuu ɓɔɔ wu tãa nɛɛ nyaa Laa ɓɛɛ, wu ti kɔɔ nɔɔ vuu ɓɔɔ naa a ka knti ɓɛɛ.

Nɔɔ gàa vuu gngn nɛɛ nung mɛɛ kpang, nɔɔ gàa ta, tɔɔ Laa wu a nɔɔ, tɔ̀ɔ, tĩnang manɛ wu nwang kaa nyaa kiiri.”

N kɔ̀ɔ́ nɔɔ ruu ɓɔɔ niizang kɔ nwani, daanang mɛɛ kɔ tɔ̃ɔ, ka ruu ɓɔɔ, naa n daa kpang, zang ɓɔɔ naa yi nɔɔ naa ka bii ɓɔɔ wukɔ Suru Laa, a nɔng manɛ kpang. N nɛɛ daa tɔ, n shong wu kati wu a kaa nɔng manɛ. Nɛɛ a tɔ, naa tusu zang koo rɛ̃rɛnang shi kpang ɓɔɔ ri rɛ̃rɛ ka yuu vuu shi kpang palɛnang, nɛɛ vuu tɔ̃ɔ ɓɔɔ Laa kasɛ ɓɛɛ, a ɓɔɔ ti naa ɓɔɔ Laa naa jɛ̃ɛ zang ruu ɓɛɛ, nɛɛ ri ning gbalang ɓarɛ katɔ.

Ɓɔɔ manɛ nwáng doo nɔngkɔ, kãntang keɓe, yeti manɛ lasɛ dòo katɔ. N a ditɔ ka bii manɛ tɔkn, nɔɔ naa tãa tĩnang ditɔ ka yeti manɛ dɔɔli. Zang ɓɔɔ zunung ɓɔɔ wu nwangsɛ tĩnang keɓe nɛɛ yeti manɛ kpang. “Diki kaɓa nɛɛ naa a tɔ, nɔɔ gàa vuu ɓɔɔ tɔ̀ɔ́ ka naa mɛɛ kpang. N kɔ̀ɔ́ nɔɔ ruu ɓɔɔ niizang kɔ nwani. Daa naa a nɔɔ vuu ɓɔɔ nɔɔ gáa ka naa ɓiɓɛ nɛɛ nung mɛɛ katɔ.

N kɔ̀ɔ́ nɔɔ ruu ɓɔɔ niizang kɔ nwani, nɔɔ naa kaayi, nɔɔ ɓaa nyaavaa, zang koo ri tãa ɓarɛ tĩnang. Yeti manɛ naa lasɛ, yeti lasɛnang manɛ naa raa tĩnang tãanang ditɔ.