Adnodau Beiblaidd Poblogaidd o Yɔhana 14

Rhanna

“Nɔɔ nwang waasɛ̃, vuu koo keɓe shing nɔɔ, nɔɔ nwáng waasɛ̃ kpang. Nwannang waasɛ̃ keɓe a ɓi nɛɛ bii mɛɛ. Yeti manɛ wu lasɛ kpang, nɔɔ ti kaa vɔrɔ kpang.

Yeesɔ kɔɔ wu tɔɔ, “Nkɔ gbalang, nkɔ niizang, nkɔ suru bii. Zang ɓɔɔ nɛɛ tɔɔ wu daa bii Daa, sɔɔ nɛɛ bii mɛɛ kɔ gbete.

Yeesɔ kɔɔ zang ɓɔɔ ri mantɛ vuu ka bii ɓiɓɛ tɔɔ, “Yeti manɛ wu lasɛ kpang. Nɔɔ shíng danggn ka bii Laa, nɔɔ ti shíng jong ka bii mɛɛ.

Suru Laa ɓɔɔ Daa naa shong wu ka nung mɛɛ, naa tusu nɔɔ vuu ditɔ nandon. Wu ti kpaa nɔɔ danggn vuu ɓɔɔ n kɔ̀ɔ nɔɔ ɓɛɛ nandon.

“Zang ɓɔɔ nɛɛ tà rɛɛ nyaa ɓɔɔ n dang ɓɛɛ, nɛɛ ti dũngnɛ, wukɔ kasɛ ruu mɛɛ. Zang ɓɔɔ nɛɛ kasɛ ruu mɛɛ, Daa mɛɛ kàsɛ́ wu katɔ. N ti kàsɛ́ wu katɔ, n ti nwàngsɛ́ wu bii mɛɛ.”

N ti gàá Daa, wu a nɔɔ zang ɓɔɔ naa yi nɔɔ naa ka bii ɓɔɔgn wu naa nwang nɛɛ nɔɔ dòndòng. Zang keɓe wukɔ Suru Laa, ɓɔɔ tusu zang ruu ɓɔɔ niizang ka yuu Laa. Zang koo ri tà wu kpang, ka ruu ɓɔɔ ri zi wu nung kpang, ri ti zi wu nɛɛ jĩng ɓarɛ kpang ɓɛɛ. Nɔɔ zi wu nung manɛ tɔ, ka ruu ɓɔɔ, nwang ɓi nɛɛ nɔɔ ɓɛɛ. Ti naa nwang ka yeti manɛ.

N ti pàlɛ́ nɔɔ vuu piti ɓɔɔ nɔɔ gàá nɛɛ nung mɛɛ katɔ, tɔ̀ɔ, zang a Daa bannang kati ka ruu Jaa. Naa nɔɔ gàá viya piti nɛɛ nung mɛɛ, n naa pàlɛ́ nɔɔ katɔ.

“Yeesɔ kɔɔyi tɔɔ, nɔɔ nɛɛ kasɛ ruu mɛɛ katɔ, nɔɔ dũng nyaa ɓɔɔ n dang ɓɛɛ katɔ.

Ka gãa Daa mɛɛ, jaka kagn dɔɔli. Naa nɛɛ nɔngkɔ kpang, n nɛɛ kɔ̀ɔ nɔɔ tɔ. N daa shĩili nɔɔ doo nɔng nwannang.

N nɛɛ daa tɔ, n nɛɛ daa shĩili nɔng tɔ, n gbãayu kati. Ń naa see nɔɔ, nɔ́ɔ daa nwáng nɛɛ n, ka nɔng ɓɔɔ n kagn ɓɛɛ.

Tooma kɔɔ wu tɔɔ, “Kpanti, ruu zi nɔng ɓɔɔ mɔɔ dàá ɓɛɛ kpang, a ruu zi gbalang ɓɔɔ ruu sɔɔ ɓɛɛ kaa biya?”