Adnodau Beiblaidd Poblogaidd o Noo Mian 26

Rhanna

Bee‐jee er nyn dwoai as guee‐jee, nagh duit shiu ayns miolaghey: Ta’n spyrryd eu dy jarroo arryltagh, agh ta’n eihl annoon.

Eisht doort e roo, Ta my annym feer trimshagh, dy jarroo gys y baase; fuirree‐jee ayns shoh as jean‐jee watchal mârym.

As hie e red beg sodjey, as huit e sheese er e eddin, as ghow e padjer, as doort e, O my Ayr, my te possible, lig da’n cappan shoh goll shaghym: ny yei cha nee m’aigneys, agh dt’aigneys dy row jeant.

Son shoh my uill’s jeh’n chymney noa, t’er ny gheartey son ymmodee son leih peccaghyn.

¶ As myr va’d gee, ghow Yeesey arran, as vannee e as vrish e eh, as hug e eh da ny hostyllyn, gra, Gow‐jee, ee‐jee, shoh my chorps.

As ghow e yn cappan, as hug e booise, as hug e eh daue, gra, Iv‐jee ooilley jeh shoh.

As haink e gys ny ostyllyn, as hooar e ad nyn gadley, as doort e rish Peddyr, Kys ta shoh, nagh row shiu able watchal mârym yn oor?

Agh ta mee gra riu, nagh niv‐ym maghey shoh jeh mess y villey‐feeney, derrey’n laa ivym eh ass yn noa mêriu ayns reeriaght my Ayrey.

As chooinee Peddyr er ny goan va Yeesey er ghra rish, Roish my ger y keillagh, obbee uss mish three cheartyn. As hie e magh as cheayn e dy sharroo.

Irree‐jee, lig dooin goll: cur‐my‐ner, te eshyn er‐gerrey dooin ta dy my vrah.

Eishtagh doort Yeesey rish, Cur seose dty chliwe reesht ayns e ynnyd; son nee adsyn ooilley ta goall e chliwe, cherraghtyn liorish y chliwe.