Adnodau Beiblaidd Poblogaidd o Jɔɔn 3

Rhanna

Kɔraawiizi nɔŋŋi durnyaa werge maa. Awiarɛ u gil mìŋ́ u Biikpaŋkpaŋ ba. U ɛɛ gunnɛ, di hinla maa sɛɛ n wia di yardiŋ, í gilɛɛ siu, ka í na Kɔraawiizi miibɔɔ la n waa tunaa dɔɔwɛ la.

Kɔraawiizi n humiŋ durnya naa biini, u faa waŋ hummɛ dikuu unna nyiŋŋi u di ia seriya, ii chol wia. U humimbuu ń ba di wa wer na ŋmɛnɛɛ tɛɛ ia, ka u wer lɛɛ ia.

Yeesu ŋɔ, “Gil ń ŋɔ wibii maa tɛi. Nɛr maa wàá wer zuu Kɔraawiizi Kora biini, di ba wɔɔ lullɛ bunɛɛ.”

Nɛr la maa n niŋ sɛɛ Mìŋ́ Kɔraawiizi Biibaal la wia, Kɔraawiizi wàá ka di a hiŋ seriya u chol. Ka nɛr la maa n wàá sɛɛ tɛŋ, Kɔraawiizi teŋ di a hiŋwaa seriyaa tuŋ. U teŋ cholloo, dikuu uŋ waa sɛɛwɛ tɛɛ Mìŋ́ Kɔraawiizi Biikpaŋkpaŋ la wia.

Kenne Kɔraawiizi seriya dii du. Bɔchaaŋ ba durnyaa. Ka newea haa ra nyiŋŋi bɔbiri werge di kaali bɔchaaŋ la, dikuu ba hunchɔgaa wia.

A dɛkkɔ waabuu n na zenni di ra jaa, ka míŋwaa wia ra tuŋ.

Nɛr la maa n na ɛɛ wichɔgaa, waa nyiŋŋi bɔchaaŋ wia. Wàá sɛɛ lii bɔchaaŋ ú wolo lii.

Nɛr la maa n yardi Kɔraawiizi Biibaal la, Kɔraawiizi tɛɛ a hinnɛ u miibɔɔ la n waa tunaa dɔɔwɛ la. Nɛr la maa ge n waa sɛɛwɛ tɛu, wàá na u miibɔɔ la. Kɔraawiizi baaŋ daŋ haŋ du a hiŋ ninɛɛ, di hanna la saŋaa saŋa maa.”

Saŋa la yaa naabaala n faa du hɛribɔduma la, Kɔraawiizi dɔgtɛɛ Moosis la faa kpa lugbiirɛ di luu hɛrikuŋ, di kpau du daa ni, di lawuu lalli chiŋ. Gunnɛ bá wa lalli Mìŋ́ Newee Biibaal ge chiŋ.

Kɔraawiizi nɔŋŋi u Biibaal labuu werge, di tɛu fɔŋŋa werge kummaa ni.