Adnodau Beiblaidd Poblogaidd o Yoona 5

Rhanna

“N tak nyin a̱tsatsak a̱lyiat; kuzang a̱yin wa fwuong a̱lyiat nung na, a̱wot a̱ si̱ nwuak fwuo da̱ a̱tyu a̱ ta̱m nung a̱ni; a̱ byia̱ swuan sang sangba̱p. Á̱ na nyia̱ gu shi̱ri̱ya bah. A̱wot a̱ wa ka̱n shot a̱khwu, a̱ si̱ shya̱ swuan.

Nang Yesu ndi gu nang gu myian a̱ja a̱ni, Yesu si̱ lyen nang nggu ka̱n dabeang ma̱ng zwan ji. A̱jawa Yesu nyia̱ ma̱ng a̱nggu a̱ni, “A chat á̱ choot ang a?”

“Nyi zop A̱lyiat A̱gwaza na, mat nyi fa nyi na shya̱ swuan sang sangba̱p ja. A̱wot A̱lyiat A̱gwaza na; ni̱nia tyai nyin a̱tyu nang ngyet a̱ni! A̱mgba̱m ma̱ng a̱nia, nyi lak bai da̱ a̱vwuo nung, nyi ka shya̱ swuan ji.

Yesu si̱ nyia̱ ma̱ng a̱nggu a̱ni, “Doot, yong! A kyiak a̱kpang ang wu, a nkat.” Mi̱ di̱ yong a̱hwa, a̱tyu nzwan wu si̱ kin choot! A̱ si̱ kyiak a̱kpang nggu wu, a̱ si̱ nkat. A̱wot a̱tuk a̱kya ku yet Mam Fwung A̱yahudawa hwa.

A̱jawa Yesu si̱ wa̱i a̱lyiat nyia̱, “N na hyia̱ ma̱ng a̱nyin a̱chuchuk; Nggwon A̱gwaza ka nyian kuzang kyang ma̱nyin ka bah; a̱ ni̱ nyia̱ kuzang nkyang nang gu li nang A̱tyia̱ wu nyia̱ wa a̱ni. Mat kuzang kyang nang A̱tyia̱ wu nyia̱ a̱ni; huhwa nang Nggwon ka nyia̱ mameang.